Shong syiar ki paidbah ba tnang kali kawang maw ki riew sniew, ha PB bad Motphran

Shillong, Nohprah 12: Mynta ka sngi ha ka por nohphai sngi katba ki paidbah ki dang ia bun kam ha ka siew ka pet ha Police Bazar bad ha Iewduh ki ar tylliki iew kiba heh ha kane ka jylla Meghalaya kynsan kynsa kala mih ka jinghuri hura na lad Umsohsun ha kaba kawei ka kali kala shah thang ha ki briew bym lah ban ithuh.

Kine ki riew sniew kila kawang maw ia ki dukan ter ter sha duh Motphran, kane ka jingleh jong kine ki riew sniew kala pynher syrngiew ia ki paidbah khamta ha kane ka por ba bun na ki paidbah ki thied jingthied na ka bynta ka jingleh kmen Khristmas kaban sa wan.

Ha kane ka jingleh kine ki riew sniew kala wanrah ia ka jingher syrngiew ha ki paidbah kylleng ka sor Shillong khamtam eh ha kine ki ar tylli ki jaka ba ki paidbah na kylleng kila wan ban siew ban tda na ka bynta ka jingdon kam ha ki iing ki sem ban pynkhreh ia ka Khrsitmas.

Kat haduh ba thoh ia kane ka khubor ka kali ba la shah thang ka long kawei ha police bazaar bad ki dukan kiba la shah kawang maw kila don kato katne tylli.

Ban khanglad ia ka jingshim kabu jong ki riew sniew na ka liang jong ki pulit kila pynkhlain ia ka jingap pahara ha ka sor Shillong baroh kawei  khamtam ha Police Bazar bad ki thain Motphran.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet