Shillong, Iaiong 27: Rock Revival Society ha ka sngi Saitjian ka 26/04/2025 kala pynlong ia ka jingiakynduh lang ia baroh ki nongrwai ka rilum Garo kiba la rwai naduh ki snem 80s, 90s, bad 2000s ia kane ka jingiakynduh lang la pynlong ha Aldara Rongkon ha Tura ha pdeng ka jingshong shit.
Ka jingthmu jong kane ka jingiakynduh lang ka long ban wanrah biang ia ka jingkynmaw ia kito ki por ba la leit noh ban pynipaidbah ia ki sap rwai ha kane ka por kaba mynta kiba dei na rilum Garo da ka jingthmu ban pynibiang ia ka sap ka phong kaba ki don.
Kumba ka long mynta kiba don sap kila sdang ban duh namar bym don ka lat ka lynti ba kin pyniia ka sap ka phong ka jong ki, kane ka jingiakynduh lang baroh ki nongwai kala long kaba shongkun bad kala ai mynsiem ka kyngun ban pyrkhat kumno ban rah sha jrong.
Ka jingthmu jong ka Society ka long ruh ban sei ia ka sap ka phong jong ki samla kiba don ia ka sap tem, ka Society ka ai khublei kyrpang ia baroh kito kiba la wan ban ia shim bynta bad pynlong ia ka jingiapyni nam ia ki sap rwai kaba shongshit.
