Shillong, Jymmang 04: Ki paidhah nongshong shong ka thain Nongrim Jirang, Ri Bhoi Distict ki shongshit bha kynthei bad shynrang ban leit wad ia ki Niangtaser sha khlaw ba la ju tip kum ka Niang Word Cup, namar ka mih shisien saw snem kumba long ka jingialehkai World Cup.
Ka khubor ba la ioh ka iathuh ba ka Niangtaser ka mih bha mynta ka taiew bad kan dang bteng haduh taiew bar u bnai Jymmang. La iathuh ba uwei uwei u lah ban ioh haduh ar lai kilo shimiet lada dei ki khlaw ne ki lum ba ka mih bha khamtam ha ki jaka ba bun siej.
Kumba long mynta ki jaka ba ka mih bha ki ki dei ha Umtyrngi, Wahbyrngad, Amsemsier, Mawdolahir bad kiwei ki jaka ba marjan hapoh ka hima Jirang, la iathuh ki paidbah mynta man ka miet ki leit ban khar ne tam ia katei ka khniang ban bam.
Namar ki long kaba khlein bad shngiam bha ban khamtam hadien ba la thad tyrkong bad don ruh kiba die T. 400 haduh T.800 shi kilo la ong u bah Gershom Hat wei na ki riew rangbah katei ka thain.
