Shillong, Nohprah 01: Mynta ka sngi ki hynriew tylli ki prebyteri jong ka thain Mairang kaba kynthup ia ka presbyteri Mairang, Nongrimmaw, Myriaw, Nongum, Mawnai bad Nongthliew kiba sah ha Shillong kila pynlong ia ka jingleh kmen Khristmas ha Khasi National Dorbar Hall Mawkhar, Shillong.
U Tynmen basan Bah Boldness L Nongum ha ka jingkren lamphang shuwa ban sdang ka jingiaseng ban long ka jinglehkmen Khristmas u la ong ba kum kane ka jingiakynduh lang la juh pynlong man la u snem shuwa ba ki khun samla kiba sah ha Shillong kin leit ban phai sha la ki jong ki shnong.
Ha kane ka jinglehkmen Khrsitmas, la ia shim bynta da ki samla kiba dei na kitei ki hynriew tylli ki Presbyteri jong ka balang Presbyterian ia kaba la pyniaid da ka kynhun rwai Atiar. Ki samla kiba la ai ia ki jingrwai ki long ka samla Lasukbiang Kurbah bad ka kynyhun, ka samla Anisabet L Nongum, ka samla Balasiewdor Ryntathiang, ka samla Arethelbakor Nongrang bad u samla Anbelnes L Nongum.
Kiba la wan ban rwai kyrpang ha kane ka sngi ki long ka heprit Balaiahun Sawkmie bad ka kynhun nongrwai Kharlukhi Sister kiba na Mawlai. Ha kane ka sngi ki khun samla jong ka balang Presbyterian na kitei ki hynnriew tylli ki District kila ia wan ban ia shim bynta ryngkat ki long kmie long kpa kiba sha ha Shillong.
Ia ka jingiaseng la pyniaid da u Tynmen Basan Bah Boldness L Nongum kum u lamphang bad ia ka jingpyntip ia ki programme la ai da u bah RS Syiemlieh secretary bad ia ka jingduwai pynkut la aid a u Tynmen Basan DJ Mawblei.