Shwa ban ktah ia u pud u sam ka jaitbynriew, dei ban iamir jingmut naduh tynrai: VGK Kynta  

Shillong 8 Nailur:  u Bah VGK Kynta u nongiasaid ain barangbah uba long u kongsan u Bah VGK Kynta mynta ka sngi, 2022 u la pyllait ia ka kot ba la ai kyrteng “Meghalaya Boundary Based on The North-Eastern Areas (Reorganisation) Act, 1971” ba la lum bad pynmih da ka S.P.News Agency.

Haba kren ha kane ka sngi u Bah VGK Kynta u la ong ba kane ka kot ba la lum la lang da ka S.P.New Agency kan dei kawei na ki kot ban iarap khamtam mynta kadei ba dang iakhih bha halor ka jingiapynbeit pud hadpeng ka jylla Assam bad Meghalaya.

U Bah Kynta u la phang ruh halor ka mat ka jingiakajia pud hapdeng ka Assam bad ka Meghalaya, kadei kaba ktah bha ia ka jaitbynriew Khasi bad Jaintia. U la ong hashwa ban ktah kti ia u pud u sam ka jaitbynriew dei ban iamir jingmut shwa bad kam dei ban long tang ha suin ban pynbeit tang hapdeng ki arngut ki myntri rangbah ka jylla.

U Bah Kynta u la ong ba ka jaitbynriew Khasi Jaintia kiba bun hi ki don la ka jong ki iing ki sem, ki jaka ki puta hynrei mynta ki iing ki sem bym don jaka ki bun bha namar ka jingban palat ka jingduk. U la ong ka khyndew hangne ha Ri Khasi Jaintia jong ngi ka pher bha bad kiwei pat ki jaitbynriew jong ka Ri India.

U Bah Kynta u la ong ba ka rukom bat khyndew bat shyiap ka iapher na kiwei pat ki jaka jong ka Ri India.U la ong ka Jammu & Kashmir bad ka Khasi-Jaintia ka rukom bat khyndew bat shyiap ka long kumjuh.

U Bah Kynta u la buh jingkylli, “Balei kane ka rukom bat khyndew bat shyiap hangne ka pher bad kiwei pat ki bynta jong ka Ri India”. U la ong namar shawei ki jaka ka rukom bat khyndew kidei ki jaka ba pynmih khajna (Revenue Land) ha kaba ka sorkar kadei trai ia kito ki jaka.

Hynrei hannge ha jylla Meghalaya ki jaka ba pynmih khajna kidei tang ha kito ki 4 tylli ki jaka, kata ki 3 tylli ki ward ka Police Bazar lane Khyndailad, Jail Road, European Ward bad Contonment bad naduh hyndai hynthai ki normal Shillong.

U Bah Kynta u la ong ki jaka kiba hap shabar ka normal Shillong ki jaka ba hap hapoh ka Laitumkhrah, Malki, Mawkhar ter ter Mawprem sha Laban kidei ki Shillong Administered Municipality.

Haba kren bad ka rukom bat khyndew jong ngi hapoh Ri Khasi Jaintia, ngi long ki trai bad kim dei ki jaka ba pynmih khajna (Revenue Land) ba ka sorkar kan leh katba ka mon.

Haba ka sorkar ka kwah ia kino kino ki jaka kylleng jong ka Ri Khasi Jaintia hap da acquired katkum ka Land Acquisition Act, 2013 kam lah ban shu shim ei kumto wat ka District Council lada ka kwah jaka ka hap ban acquired, kam lah ban kam trai ia kano kano ka jaka la ong u Bah Kynta.

U la ong ba kane ka rukom bat khyndew ba tynrai hap ban iaid sha ki jingiasoi soskular hapdeng ka Dominant of India bad ki syiem, ki Doloi lane ki khlieh nongsynshar bad la soi ia kane ha ka 17 tarik u Nailar 1948. U la ong ba kane ka jingiateh haduh mynta ki sngi ka dang neh.

Ha kaba iadei bad ka jingren na ka liang u Bah Starfing Jove Langpen Pdahkasiej u la ong ba la shim por ban lum ban lang ia kane ka kot kumba 8 snem ei ei. La kren ruh ha kane ka sngi da u Bah R.M Shabong bad u Bah Starfing Jove Langpen Pdahkasiej.

Ha kane ka sngi la don lang u nongthoh khubor ba la rangbah u Bah R.M Shabong kum u symbud kongsan, u Bah David Laitphlang, ki para nongthoh khubor, kiba ha iing ha sem, ki sengbhalang, ki plidar lem bad kiwei kiwei.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet