Jowai, Kyllalyngkot 05: Ha ka meit sngi Saitjain kip or 11.30 baje mynmiet kinonglute kila siat bad pynjulor ia kawei ka kali jong ki nongwan iathoh ha lat Darang jan Dawki, ha kane ka jingjia ar ngut ki briew kila mynsaw jur.
Katkum ki thymmei khubor kiba la ioh la iathuh ba ki nonglute kiba la don ha katei ka jaka ba kham long kynjah kila siat ia kane ka kali bad ha kane jingjia ar ngut ki briew kila mynsaw bad la kit ia ki sha jaka ai jingsumar hapoh Dawki CHC.
Katkum ki lad khubor kine ki ar wat hapdeng ka jingmynsaw kila phet sha khlaw ban lait na ki nonglute bad ha dien la lap ki briew na dien haba la ia wad la lap ia kine ki ar ngut na jan lum jingtep bad la pynkit ia ki sha CHC Dawki ban ioh ia ka jingsumar.
Na ka liang jong u heh pulit ba dei peit ia ka Dawki Police Station haba kren ha u SP News Agency u la iathuh ba kiba mynsaw baroh ar ngut ki dei na ka shnong Dawki. Haba ia dei bad kane ka jingthohkit ka dang iaid ban thew ia ki nonglute.
