Sngewsih ka HYC ban iohi ia ka jingleh sting ka sorkar ia ka jingdawa ki nonghikai adhok

Shillong, Jymmang 11:  Ka HYC , Seng kmie ka dap da ka jingsngew sih ban iohi ia ka jingleh sting ka sorkar Meghalaya ia ka jingdawa ba shongnia Jong ki nonghikai Skul ad-hoc hapoh ka jingialam ka Federation of All School Teachers of Meghalaya (FASTOM) .

Ka HYC ka sngew ban pynpaw ba ki nonghikai kidei ki nongtei Ri bad ki dei ki briew kiba saindur ia ka Jaidbynriew , ia ka Jylla bad ia ka Ri hi baroh kawei. Ngi iohi ba ki ka pule puthi ha Meghalaya ka kiew namar ka jingdon ki nongseng skul kiba kylluid mynsiem bad kiba don ka mynsiem ban kyntiew ia ka imlang sahlang kum ki Niam , ki Balang, ki hima, Raid , shnong bad ki riewshimet.

Haba pynshong Nongrim janai ngi lap ba ka dei ka jinglen lade Jong ki nonghikai pat kaba pynlong ia kine ki skul ad-hoc ba kin kiew bad kin roi . Dei ki nonghikai kiba shah jynjar ban shim ka tulop ba rit khang ba kine ki skul ad-hoc kin kiew ha ki liang baroh.

Ka jingkylli kaba ngi kwah ban kylli na ka sorkar Meghalaya ka long , haduh katno kine ki nonghikai Skul ad-hoc ki hap ban shah shitom, Hato Kam dei ka kamram ka sorkar ban siew kylliang ia ka Jingshah shitom Jong ki dor Jong ki mar ki mata, ka bai wai ing, ka bai leit bai wan bad ki wei ki jingdon kam ki kiew Jan man u bnai hato ym dei ban kyntiew ia ka tulop ki nonghikai ad-hoc ar ne lai sien ha ka 5 snem.

Ka HYC ka kyrshan tylli tyllan ia ka jingdawa ka Federation of All School Teachers of Meghalaya (FASTOM) . Ngi dawa na ka sorkar ba ka dei ruh ban pyni da ka burom babha ia ki nonghikai bad ki dei ban khot ia kren ia ki nonghikai bad khamtam eh ka sorkar ka dei ban sngap bad Pynurlong ia ki mat jingdawa kiba shongnia Jong ki nonghikai Skul ad-hoc lyngba ka FASTOM.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet