Sot Naphang Khlem Sahteng: Bah Raphael Warjri

Nalor ki kyntien ba iadei bad ka stadtip korpathai, ki don ruh ki kyntien ia ki mar ba pyndonkam ha kane ka liang ki ba la saiñdur katkum ka juk halor jong kita ki mar ki ba la thaw thymmai wat ha ki ktien nongwei ruh kynthup ia ka ktien phareng ha ka ba tang shu kren ne pule lah ban sngewthuh marmar. Kumta ha ka ktien Khasi ruh lah ban thaw thymmai da ki kyntien ki ba lah ban sngewthuh tang shu kren ne pule. Lada dang don sa kiwei ki kyntien ki ba ym da ïadei eh bad ka stadtip korpathai hynrei bad kiei kiei ha ki shlem treikam (office) ka juk mynta ba lah ban kynthup lang kumne harum:

Volume (control)Sursawa: ka mut ka sur ba sawa lyngba ki korseidur korseisur ne korputar na ka bynta ban pynheh (increase) ne pynrit (decrease) ia kata ka sursawa.

Colour (control)Jlahrong Bladrong: ka mut ka rong ba lah ban pynjlah bad pynblad lyngba ki korseidur korseisur ne korputar na ka bynta ban pynih rong ne ban pynsep rong.

Contrast (control)Ïongngaiñ Liehphuh:ka mut ka ba thew ia ka ba dum sha ka ba shai lyngba ki korseidur korseisur ne korputar na ka bynta ban kham pyndum ha ki jaka ba dum bad pynshai ha ki jaka ba shai katkum ba dawa ka khmat ba peit ki briew.

Menu (IT system)- Nubsker: ka mut ka nub ban buh ban khñiot na ka bynta ban poi sha ki sker na ka bynta ban pyndonkam katkum ba dawa

Mode (IT system)- Nubkam

Input/ Output (IT system)- Saitian/ Saityrsuh

Document- Dulir- ka mut ka kot ba thoh ki ktien ba shongnia katkum ka aiñ.

Memorandum- Dorkhas: ka mut ka kot ba thoh ia ki mat jingdawa na ka bynta kano kano ka jingiateh soskular.

Notice- Byrta: ka mut ka kot phah kyrwoh ban ai jingtip ia kno kano ka kam.

Agenda- Mattainia: ka mut ki mat konmgsan ba la buhti ban ia tai nia ha dorbar.

Proceeding- Lumkaiphot: ka mut ba kyntiew jingthoh ban lum lang na ka bynta ban pynkhreh ka kaiphot.

Report- Kaiphot: ka mut ka jingthoh halor ki kam ba la dep leh.

Soskular- ka mut ka kot ba thoh ki kyndon kum ka juban teh kular katkum ka aiñ

Register- Bui: ka mut ka kot buhti ia ki kaiphot bad ban kyntiew kyrteng.

Ledger- Buikheiñ: ka mut ka kot buh jingkheiñ na ka lut ka sep, ka kamai kajih, ka khaii pateng ter ter.

File- Songdulir: ka mut ka snep kot ba kynshew ban song ia ki dulir ne shithi katkum ba dawa ka kam ha la ka bhah ka bhah treikam.

Chamber- Sup: ka mut ka ruhbah ba thep mar na ka bynta ban kynshew ne tyngkai.

Granary- Thiar: ka mut ka kamrah ba buhti ia ki mar na ka bynta ban kynshew ne tyngkai.

Archive- Thiartyngkai: ka mut ka thiar ba tyngkai ia ki dulir ne kino kino ki mar ba shongdor.

Furnace- Shlem: ka mut ka jaka kyrpang na ka bynta ban saiñ bad phrang sani pynjanai ia ki marramew (mineral resources).

Office- Shlemtreikam: ka mut ka jaka ba trei sani ia ki kam ba la saiñ bad phrang janai.

Account- Buhjingkheiñ: ka mut kano kano ka lad ban buh jingkheiñ jingdiah ia ka lut ka sep, kamai kajih, khaii pateng ter ter.

Audit: Juripkheiñ juripdiah: ka mut ka kam ba jurip sani ia ka kheiñ ka diah ha ki dulir ba buh ki jingkheiñ jingdiah ha ka lut ka sep, kamai kajih bad khaii pateng.

Bank: Kamaisut: ka mut ka thiar kynshew ban kamai sut lane ba korbar ia ka kam ai sut.

Stamp- Nishan: ka mut ka kotrit ba don ka shab ne nishan ba shongdor. Kumta ia ka Non-Judicial Stamp, Court Fee Stamp bad Revenue Stamp lah ban pynwandur na ka ktien nishan. Katkum ba lah ban sngewthuh ka Non-Judicial Stamp ka dei ka kot thoh dulir katkum ki kyndon bad juban ba la thoh bad ba la soi lang da ki dkhot jong ka soskular, kumta lah ban jer da ka Dulirnishan. Ka Court Fee Stamp ka dei ka kotrit ba shongdor katkum ka aiñ ba ju tah ha ki dulir soskular ha ka khaii pateng bad ka korbar kam ba shongaiñ, kumta lah ban jer da ka Nishankular. Ka Revenue Stamp ka dei ka kotrit ba shongdor katkum ka aiñ ba ju tah ha ka bui siew tulop ne siew bainong na ka kam kamai kajih ha ka ba ka jingiohnong ka dei ia ka sorkar bad ia ki briew shimet, kumta lah ban jer da ka Nishannong.

Non-Judicial Stamp: Dulirnishan.

Court Fee Stamp: Nishankular.

Revenue Stamp: Nishannong.

Ha kine ki ktien ba la buh haneng, ki don ki ba la dep thoh lypa bad ki ba la tip paidbah, hynrei la kynthup khnang ban lah ban pyniapher ha ka jingmut ba shimet jong kano kano ka ktien ka ba dei thik katkum ka kyntien, khlem da kdat na ka jingmut ba tynrai. Kumjuh ruh ki don ki ktien ki ba thew ki jingmut ki ba iar, hynrei la pyrshang ban sot tang katkum ki kyntien ki ba marryngkat ka jingmut ha ka ktien phareng katkum ka rukom pyndonkam ia kita ki ktien shitylli.

Kat ka ba shah hakhmat katkum ka ba wan ha jingmut la nang khlei kum ki jingthoh ban thaw ktien thymmai khnang ban ym sepei na ka ba lah ban klet ne buhteng khlem seisoh. Kumba la ïai kdew barabor ha shwa, ki ktien ba la shna hi ki dei ki ba la shu tyrwa bad ba dang donkam ban bishar sani da ki riewstad saiñktien batbit lane kano kano ka jingpyrshang ban pynjanai ia ki ktien lyngba ki shlem thwet jingtip ba bniah. Nalor ki ba la kdew hashwa ki dang don byllai ki kyntien bad ktien ba kongsan ha ka ba la ieh ha ki riewtbit ba kynsai ba kin phrang sani bad bishar bniah shwa ban pyndonkam kum ka ktien tynrai Khasi ha ka thoh ka tar.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet