Tang 185 tylli la shah ban plie ia ki dukan, kiba die madan 184 ngut ha ka shisngi ha Iewduh

Shillong, Naitung 10: Ka Deputy Commissioner jong ka East Khasi Hills District kala pynmih ia ka jingpynbna ba la shah ia ki dukan ha Iewduh ban plie tang 15% ba kin plie ha ka shisngi hynrei kim dei ban palat ia ka 185 tylli ki dukan.

Kine ki dukan ban plie dei tang kito kiba la ithuh da ka ophis jong u Syiem ka Hima Mylliem bad kiba la shah ban plie ha ka shisngi ha Iewduh da ka jingiatreilang bad Incident Commander, Zone-IV, Shillong.

Haba ia dei bad ki nongdie madan la shah ba kin shong tang 184 ngut ba kin shong ha ka shisngi kiba la ithuh da ka ophis jong u syiem ka Hima Mylliem bad ba kin pynthikna ia ka jingpynia jngai ar metter iwei na iwei.

Ia ki dukan kiba die ia ki mar bam bad ia ki ba dei ia ki marpyut la shah ba kin plie ar sien ha ka shitaiew bad kito kiwei pat ki dukan ki bym dei ki dukan die marbam lane kiba die ia ki mar pyut kin plie tang shisien shitaiew.

Ia ki dukan die doh, die dohkha la shah ba kin plie 15% na ka jingdon ki dukan bad ia ki ba die jhur ym pat la shah ban plie, ka jingplie ia ki dukan kan long katkum ki jingbit kiba la ai na ka Hima Mylliem bad ka hima ka dei ban phah ia ki pulit bad ia ki nongiarap ha ka rukom kaba biang ban pynthikna ba kin bud ia ki kyndon kumba la bthah.

Ha kane ka jingpynbna kaba la pynmih mynta ka sngi na ka liang jong ka Deputy Commissioner jong ka East Khasi Hills District kala ai bor ia ka “Market Committee” ka Hima Myllime ba kin dainkuna ia kiba kiba pynkhein ia ki kyndon jong ka COVID-19. La kyntu ba dei ban shah ban shong dukan tang ia kito kiba la dep ai Tika.

La bthah ba ym dei ban rung sha Iewduh ia ki riew tynmen kiba la palat ia ka 60 snem, ki long kmie kiba ar met bad ki khynnah kiba dang hapoh ka 10 snem ka rta, baroh ki dukan ki dei ban wah ha ki dukan la ki la dep ai Tika ne em. Kito kiba pat ai Tika ki hap ban ai ia ka kaiphot ba kila dep leh ia ka RT-PCR man la ka shiphew sngi, ia kiba pynkhein ia ki kyndon yn khang ia ki dukan.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet