Shillong, Nailur 14: U myntri ba dei peit ia ka tnad khlad u James K Sangma haba jubab ia ka mat ia kren haka por “Zero Hours” ha kaba ia dei bad ki karkhana Syang dewiong “Coke Factory” la ong ba tang kito kiba la ioh ia ka “Consent to Operate” kiba la shah ban pyniaid ia ki karkhana syang dewiong.
Ia kito ki karkhna kiba la ioh ia ka “Consent to Established” la shah ia ki ba kin tei ia ka karkhana synang dewiong hynrei kim lah ban pyntrei kam, ia kito kiba dang shu ioh ia ka jingbit na ka Single Window Agency, ia ki ym pat shah tang ba kin tei ia ka karkhna ruh.
U Myntri ba dei peit ia ka tnad khlaw la ong ba katkum ka jingpynbna EIA sorkar pdeng ha snem 2006, ka kren shai ba kito ki karkhana syang dewiong kaba ka jingpynmih kala palat ia ka 2,50,000 Mt ha ka shisnem ki hap ban ioh ia ka jingbit na ka MOEF and CC bad kito kiba pynmih 25,000 Mt haduh 2,50, 000 Mt ki hap ban ioh ia ka jingbit na ka SEIA.
U myntri u la ong ba baroh ki karkhana ki hap ban ioh ia ka jingbit na ka MSPB, ki karkhana kiba 25,000 Mt ki hap hapoh jong ka EIA kaba la pynbna da ka sorkar pdeng ha u snem 2006. Haba ia dei bad kane ka sorkar kala pynmih ia ka jingpynbna ha ka 23th Nohprah 2020 ban peit ia ka jingkhuid suba ka lyer.
Katkum ki kyndon bala buh ki karkhana ki dei ban jngai 1 km na ki jaka shongbriew, 500 meter na surok PWD, 100 meter na ki wah, kumba ka long haduh mynta kiba la ioh ia ka jingbit ban buh karkhana syang dewiong na ka Single Window Agency ki long 48 tylli haduh mynta.
Ka MSPCB kala ai jingbit ban pyntrei kam ia ki karkhana syang dewiong ki long 9 tylli, kiba la ioh ia ka jingbit ban tei ia ki karkhana ki long 13 tylli. Ka MSPCB kala shem ba ki don 30 tylli ki karkhana syang dewiong kiba khlem pat ioh ia ka CTE bad ia kine la ai dorkhas ban khang noh iaki.
Ha ka 15th Naitung 2021 la pynmih ia ka hukum ba tang kito ki karkhana kiba la ioh ia ka CTO ki lah ban plie bad pyniaid ia ki karkhana syang dewiong, ha ka 28th Naitung 2021 la pynmih ia ka dorkhas ba kito ki karkhana kiba khlem pat ioh ia ka CTO ba kin khang noh.
Haba ia dei bad ka jingdon ki karkhana syang dewiong ha East Jiantia Hills ka seng Environment Coordination Committee Elaka Sutnga kila thoh da ka shithi ban khang ia ki karkhana kiba khlem pat ioh jingbit kata ka CTO, na ka liang jong u Deputy Commissioner jong ka East Jiantia Hills la ai da ka ejahar pyrshah ia ki karkhana syang dewiong bad u SP ka EJH District u la register mukotduma ia ki 7 tylli ki karkhana bad kum ba ka long haduh mynta la shem ba 24 tylli ki karkhna la khang, ka sorkar pdeng kala bthah ia ka SEIA ba kin but ia ki kyndon.
Haba ia dei bad kane la khot ruh ia ka jingialang ha ka 10th Nailur 2021 ban ia kren kumno ban iada ia ka mariang, la pan jingmut ruh kumno ban leh ban khanglad ia ka jingpynjaboh ia ka mariang.
U bah Process T Sawkmie ha ka por ba wan ia kane ka mat ia kren u la ong ba ka party Congress ka don bad ki paidbah bad ki 17 ngut ki MLA Congress ki la ieng tylli kawei ban leh ei ei ban iada ia ki paidbah ka Jaintia Hills.
