Shillong, Nailar 01: Hadien ba ka All Meghalaya SSA non Teaching Staff Association ki ba na kylleng ka Jylla ki ba la sdang ia ka jingia khih jong ki da ka ba ia shong kyllainmongor ha Madan Malki na duh ka 31 tarik u Naitung 2024, mynta ka sngi ka 1 tarik u Nailar 2024.
Mynta ka sngi kila ioh ban ia kynduh ia u Myntri Rangbah ka Jylla U Conrad Sangma. Ha kane ka jingkhot ia kren da u Myntri Rangbah ka Jylla la leit ban mih khmat da ki nongialam ba khat ka kynhun ki ba kynthup ia ka President, U general Secretary bad kato katne ngut ki dkhot jong kane ka kynhun.
Ha ka jingiakren bad ki nongthoh khubor na ka liang ka President ka kong Jennifer june Synrem ka la ong ba na ka liang u Myntri rangbah u la kular ban thaw da ka kommittee ia ka bay n khlieh da u Commissioner bad secretary ka tnad Pule puthi ka Jylla u Vijay Kumar Mantri IAS bad 19 ngut kiwei ki dkhot na ka State Education bad kiwei kiwie ruh ha ka ba yn ioh ban ia peit bniah ia ki jingdon kam ka Association.
Ka kong Synrem ka la pyntip ruh ba kane ka Committee kan khmieh bniah ia baroh ki jingdawa jong ki, ka committee ka hap ruh ban peit ne bisharbniah bad kiwei kiwei pat ki society ki ba dei ki contractual, ka committee ka dei ruh ban khmieh bniah ia kine ki kynhun ki ba kynthup na duh ki cluster level, block level, ki district level haduh ki state level. Ka la pyntip ruh ba ia ka recommendation kane ka committee ka dei ban phah kloi kat ba lah sha u Myntri Rangbah Ka Jylla.
Ka kong Synrem ka la pyntip ruh ba ha ka ba iadei bad ka jingshong kyllainmongor jong ki kan ym pat kut khlem pat ioh ia ki jingdawa jong ki, ka la pyntip ruh ba hadien ba ki la dep ban ioh ia baroh ki jingdawa jong ki na ka liang ka kynhun kan sa ioh ban pynkut ia kane ka jingshong kylainmongor jong ki.
Ka la ong ruh ba ha dien ka jingiakynduh bad u myntri na ka liang ka kynhun kan bat ia la ki jongki jingdawa jong jong kata ka long ban kyntiw ia ka tulop jong sha ka 80% bad kiwei kiwei pat ki jingdawa jong ki. Ka la pyntip ruh ba na ka liang ka Committee kan ioh ban ia kynduh noh la shai ka sngi.
