Shillong, Risaw 06: Mynta ka sngi u Abdus Saleh kyrtong ka party NPP u la thep kyrteng ha ophis jong u Deputy Commissioner jong ka West Garo Hills ban ia khun ia kane ka MLA ilekshon shiteng samoi na 47-Rajabala Konstitwensi ka ban sa long ha ka 30th Risaw 2021.
Ha kane ka jingleit thep kyrteng mynta ka sngi la synran lang ia u kyrtong da u myntri rangbah ka jylla u Cornad K Sangma bad ha ka twitter u myntri rangbah ka jylla u la pynpaw ba khmih lynti ba ki paidbah kin ai ka jingkyrshan khnagba ka party kan ioh ban trei na ka bynta ki paidbah ka thain.
Haba ia dei bad ka 47-Rajabala Assembly Konstitwnesi, kin don saw ngut ki kyrtong ban ia khun ia kane ka ileklshon, ka Congress kan pynieng ia ka Hashina Yasmin Mondal ka lok u Dr. Azad Zaman bam kwai ha dwar ublei, ka BJP kan pynieng ia u Kingstone B Marak bad ka UDP kan pynieng ia u Ashahel D Shira.
Ka jingiakhun ia ka MLA ilekshon shiteng samoi na ka 47-Rajabala kan long ha pdeng ki saw tylli ki party, lai tylli ki national party ka NPP, BJP bad ka Congress bad ka seng riewlum ka dei ka UDP.
