Shillong, Kyllalyngkot 31: U Bah Lambor Malngiang MDC ba mynta ka Nongkrem ha ka 1tarik Rymphang ka sngi Saitjain, ula pynpaw ia ka jing sngewskhem ba un jop biang kum u MDC ha kane ka elekshon ka KHADC ka ban long la 21 tarik.
U Bah Lambor ula ong, Ka rai ba u iakhun kum u kyrtong shimet ka dei kaba la pynshong nongrim na ki jingai jingmut ki paidbah ka Nongkrem Constituency. Um artatien ba ka jingieid ba u ioh na ki paidbah kan pynthikna ba un jop ia ka elekshon.
U la ban jur ruh ia ka jingdonkam ban nang pynkhlain ia ka Sixth Sxhedule jong ka Riti Synshar ka Ri India bad ong, Namar ka la ai jingiada ia ki riewlum trai ri trai muluk bad ia ka Bri jong u Hynñiewtrep.
U la ong, ngi la wanrah bad mynjur ia bun tylli ki Bill ba kongsan bad ngin iai bteng ban wanrah ia ki aiñ kiba treikam bha ha ka ban iada ia ki briew jong ngi bad ia ka Ri
U la pynkynmaw ruh ia ki jingnoh synniang jong u ha ka por ba wan lynshop ka khlam Covid da ka ba u la ong “Ngi ngeit ba ki kam jong ngi kin long ki ban ialam ia ngi sha ki jingjop ba bun ha ki snem ban wan.