Thoh ka HITO sha u myntri ka tnad pule  ka jylla bym hun ha ka jingthing kam hikai

Shillong Jymmang 04: Ka seng Hynñiewtrep Integrated Territorial Organization (HITO) mynta ka sngi kala phah da ka jingthoh sha u myntri ba dei peit ia ka tnad pule puthi u bah Lahkmen Rymbui bad ha kane ka jingthoh kila pynpaw ia ka jingbym hun ka jingki ia ka ruko thung ia ki nonghikai ha ki skul sorkar ba dei ka UP bad LP skul.

Ha ka shithi kaba la phah sha u myntri ka tnad pule puthi jong ka jylla ka seng HITO kala kren shai ba ka jingthung ia ki nonghikai ha ki skul UP bad LP jong ka sorkar kam long katkum ka jingdon ki nonghikai bad ki khynnah skul la kynnoh katei ka seng.

Ka seng HITO kala ong ba ki skul hapoh jong ka West Khasi Hills District ki don ki ksul kiba duna ki nonghikai bad ki don pat kiba la bun palat ki nonghikai, kumta ka seng ka kwah ban iohi ba ka jingthung ia ki nonghikai kan iaid katkum ka jingdon ki khynnah skul.

Ka HITO kala kdew ba ha kito ki skul kiba don 60 ngut ki khynnah skul dei ban don la kumno kumno ar ngut ki nonghikai bad  lada ki khynnah skul ki don 91 haduh shispah ki dei ban don saw ngut ki nonghikai. Na ka liang ka seng ka kwah ban ka sorkar kan but ia kane ka kyndon.

 

 

 

What Next?

Recent Articles

Leave a Reply

Submit Comment

*