Shillong, Iaiong 24: Mynta ka sngi ka seng HYC na ka thain Shella kala phah ia ka jingthoh sha u Superintendent ki Pulit ka East Khasi Hill sdistrict ban kyntu ban buh ia ka jaka talasi kaba hap hapoh ka jingpeit jong ka Police Station ka Shella.
Ka jingphah ka seng ia kane ka shihti ka long ba kila ioh jingtip ia ka jingwan rung ki briew na Bangladesh sha India namar ki don ki jaka kiba khlem pat ker ksainar shiah, kane ka jingwan rung beain kala dang jyllei ha kine ki khyndiat bnai.
Na ka liang ka HYC kala pyntip ruh kane ka jingpynrung ia ki khar Bangladesh ki don ki Dalal na kane ka thain, ka jingdawa ka seng ban buh ia ka jaka talasi ka long ban khanglad ia ka jingwan rung tuh ki khar Bangladesh sha India.
La bun bun sien ki paidbah bad ki seng bhalang kila juh kem ia ki briew kiba don jingsuna ba kim dei na India bad la juh aiti ia ki sha ki pulit ban leh ia kaba don kam, hynrei kane kan nym lah ban long ba ki paidbah kin leh man ka por khamtam ha ka por miet.
Na ka liang ka seng ka iohi ba don kam ban don ia ka jaka talasi ba peit kyrpang ha ka por miet bad lada long dei ban buh ha Shella bad Sohra bad ia kum kine ki jaka talasi ka dei ban long 24×7 bad dei ban buh ha ki lad ba biang bha bad dei ban don ki kyndon haba buh ia ki jaka talasi, ia ka shithi la soi da u bah Bantyngshain Natep Vice President HYC Shella bad u bah Roy Kupar Synrem President seng kmie.
