Shillong, Nailar 10: Ujor ka NEHU sha ki bor jong ka District Administration jong ka East Khasi Hills District pyrshah ia ki nongtrei sngi kiba la pynlong ia ka jingiakhih ba khlem buhpor hapoh ka lama jong ka “All NEHU Workers Union” ba ki pynlong ia ka jingiakhih ha khmat ka ophis jong u Vice Chancellor mynta la jan dap ar bnai.
U bah Nepolian Mawphniang la ong ba kine kiba ia khih mynta kiba pan ban ithuh noh ia ki kum ki nongtrei ba pura hapoh katei ka skul bah ki dei ki nongtrei sngi kiba iakhih mynta dei kiba la thung da ka skul bah NEHU ym dei ban thung da kiwei ki kynhun, ia ki la thung ha shuwa u snem 2015, don kiba la thung ha u snem 1994, 1995, 2000, 2006, 2012 bad kiba la thung khatduh dei ha u snem 2015.
Naduh u snem 2016, ia ki nongtrei Grade C bad Grade D la aiti noh sha ki kynhun ban thung kam, hynrei kine kiba ia khih mynta ki dei kiba la thung da ka skul bah NEHU, kumba ka long mynta don na pdeng jong kiba la trei la jan 30 snem ruh dei halor kane ka nongrim ba ki pan ia ka jingpynskhem.
Ka skul bah NEHU ruh ka don ia ka rule ba kito kiba la trei palat ia ka shiphew snem ka dei ban ai ia ka jingithuh ba pura kum ki nongtrei ka skul bah, hynrei kim treh ban leh ka jignkylli ka long balei kim treh ithuh ia ki kum ki nongtrei ba pura.
Ha kine ki ar bnai kaba kila pynlong ia kane ka jingiakhih kum ka seng kala ia kren bad ki bor ba deipeit ia kane ka skul bah hynrei kim ai ka jubab kaba shai la ki lah ne kim lah ki khlem jubab, kum ka seng kala pan da ka jingthoh da lah ruh ong ba lada kam lah ruh ai da ka jignthoh bym lah hynrei haduh mynta ka sngi kam don ka jubab kaba shai.
Kane ka jingiakhih kala sdang naduh ka 18th Natiung 2022 haduh mynta ka sngi hynrei ka NEHU kam shym la ai da ka jignthoh, hynrei kim ai haduh mynta ka sngi, hynrei kaei kaba ki leh ki ujor sha DC lada ki ki kwah ban pynkynriah ia kin a katei ka jaka kin ai sha wei tang ba ka dei ban long kaba biang bad kaba shngian.
