Shillong, Iaiong 29: Mynta ka sngi ki khatwei ngut ki MDC jong ka party National People’s Party (NPP) kila thoh sha u bah Titostarwell Chyne Chief Executive member jong ka KHADC ba kum ka party ka kyrshan ia ka soskular kaba la ia soi hapdeng ka sorkar Meghalaya bad Assam ha kaba ia dei bad ka kam pud.
Ki MDC jong ka party NPP ha ka shithi kaba kila thoh sha u CEM mynta ka sngi kila kren shai ba kum ka party kam don bynta ei ei ruh bad ka rai ban leit ban ujor sha iing bishar, ka jingkren u EM ba dei peit ia ki kam Elaka u bah Jambor War ka dei kaba bakla.
Katkum ka rai kaba la shim ha ka jingialang ka long ba ka KHADC kan nym ujor sha iing bishar, hynrei la aiti sha ki Hima bad sha ki trai jaka lada ki kwah ban leit sha iing bishar lada ki mon kata ka shong ha ki.
Ki MDC jong ka NPP baroh kila soi ia kane ka shithi bala phah sha u CEM jong ka KHADC ki long u bah Gigur Myrthong, Chairman ka Parliamentary Party jong ka NPP ba dei ruh Deputy CEM hapoh ka KHADC, bah Victor Ranee EM, bah Rangkynsai Kharbuki EM.
Ka kong Macdalyn Sawkmie, bah Alvin Sawkmie Deputy Chairman, bah Banjop Pyngrope MDC, bah Pyniaid Sing Syiem MDC ba dei ruh u secretary jong ka Parliamentary Party , kong Grace Mary Kharpuri EM, bah Teibpor Pathaw EM, bah Lamphrang Blah Chairman KHADC bad bah Fantin Lakdong MDC.
