Shillong, Lber 06: Ki riew pawkhmat ryngkat bad u Cherian G Momin wei na ki nongtrei mon sngewbha la ai ia ka dorkhas sha u myntri rangbah ka jylla u Conrad K Sangma ban kyntu ia ka sorkar ban ai ka jingithuh lang ia ka ktien Garo ryngkat ka ktien khasi kum ka ktien sorkar ha Meghalaya.
Ha ka dorkhas la thoh ba kala don ka jingiakren ban ithuh ia ka ktien khasi kum ka ktien sorkar, kumta ka dei ruh ban ia kren ba ia ka ktien Garo ruh ban iak ren lang namar ba ia ka jylla Meghalaya la pynlong da ki lai jaidbynriew, Khasi, Garo bad Jaintia.
Ha ka dorkhas kaba la phah sha u myntri rangbah ka jylla u Momin la thoh shai ba ka ktien Khasi bad ktien Garo ka dei ka bynta kaba kongsan bad la kyntu ia ka sorkar ban ai ka jingithuhlang ia baroh ar tylli ktien kum ka ktien sorkar.
La kyntu ia baroh ki Nokmas, ka GHADC bad baroh ki paidbah ban ia treilang ban peit ba ka ktien Garo kan ioh lang ia ka jingithuh kum ka ktien sorkar ha kane ka jylla bad bakan nym shah ieh sha dien.
Ha ka dorkhas la ong ba don kam ban bat ia ka nongrim kaba ki nongialeh ban pynioh ia ka jylla Meghalaya bad baroh ar tylli kine ki jaidbynriew ha ka jylla ki long ia ryngkat kumta ka jingithuh ia ka ktien Khasi bad Garo kum ka ktien sorkar kan pynneh pynsah ia ka jinglong kyrpang kum ka jaidbynriew.
