Thoh u bah Hamletson  ha u Javadekar ban weng ia ka EC bala ai sha ka M/s State Cement

Shillong, Jylliew 21: U Myntri ka sorkar jylla Meghalaya  u bah Hamletson Dohling mynta ka sngi u la thoh sha u myntri ka sorkar pdeng ba dei peit ia ka tnad pynneh mariang u Prakaksh Javadekar jong sorkar pdeng ban weng ia ka “Environmental Clearance” kaba la ai sha ka M/s Star Cement Meghalaya Ltd ha Meghalaya.

Ha kane ka shithi kaba la phah sha u myntri ka sorkar pdeng u Bah Dohling u la ong ba ka tnad pynneh mariang kala ai ia ka Environmental Clearance sha ka M/s Star Cement Meghalaya Ltd ha Brishyrnot ha East Jaintia Hills District wat ha pdeng ka jingpyrshah jur jong ki briew kiba shong dawdong katei ka jaka bad kum juh ki seng bhalang.

Ka ophis jong u Deputy Commissioner kala khot ban pynlong ia ka jingsngap paidbah lai sien haka 19.10. 2019,   ha ka 31.01. 2009 bad 21.11.2020, kumba ka paw imat ia ka jingai ia ka EC sha ka M/s Star Cement Meghalaya Ltd ka long tang ha ka jingai jingthoh ka ophis jong u DC ha kaba la ai jingmut ban pynlait ia ka jingsngap paidbah ha kaba ia dei bad kane ka jingshim par mawshuh shuh.

U myntri ka jylla Meghalaya ha ka shithi kaba u la thoh u la kdew ba dei ban shim ruh ia ka jingpynpaw jong ki paidbah namar bun kiba pyrshah ia kane kynthup ia ki seng bhalang na kane ka jylla ruh kum juh bad ka jingpyrshah jong ki ka long ba kan ktah ia ka mariang.

Kumba ka long ka khlaw Narpuh Wildlife Sanctuary ka don ha jan kane ka jaka ba ka M/s Star Cement Meghalaya Ltd kan shim jaka ban tih par mawshun, na ka liang jong u mytnri ka sorkar Meghalaya u la kyntu ia u myntri ka sorkar pdeng ban weng noh ia ka tei ka EC kaba la ai sha ka M/s Star Cement Meghalaya Ltd.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet