Shillong, Jymmang 11: U myntri rangbah ka jylla u Conrad K Sangma ha ka 10/05/2025 u la phah ia ka shithi sha u myntri ka sorkar pdeng ba dei peit ia ka tnad pule ha kaba u la kyntu ba u dei ban bthah ia ka National Testing Agency (NTA) ban peit ba ki samla pule na kane ka jylla ki dei ban ioh thoh ia ka CUET (UG) 2025 ha poh ka jylla.
Ha ka shithi u myntri rangbah ka jylla u la kdew ruh ba lada ka NTA kam pat lah ban pynbiang ia ki jaka thoh eksam ban pynlait ia ki samla pule ka jylla na kane ka CUET (UG) eksam kat haduh ban da ioh ban pynbiang ia ki jaka toh eksam kaba long beit lyngba ki kot komputer.
Ha ka shithi u myntri rangah ka jylla la ong ba kane ka dei ka kam iap kam im jong ki samla pule bad kane kala pyndukha ia ki samla pule bad kum juh ia ki kmie ki kpa, kane ka mih na ka daw ba kim biang ki jaka toh CUET eksam ha poh ka jylla.
U myntri rangbah la kdew ba bun ki samla pule na ka jylla ki ioh jaka thoh eksam sha, Jorhat, Dibrugarh, Mizoram, Nagaland wat sha Kolkata. Kane kan ktah ia ki samla pule bad ia ka iing ka sem bad ka long sha bar jong ka jinglah bor ka jong ki. Kane kan ktah ia ka jingpule ka jong ki bad leh se kan pynlong ruh ia ki samla pule ban nym leit thoh ia ka CUET eksam.
U myntri rangbah ka jylla u la ong ba ka sorkar kala ia kren ia kane ka kam bad ka NTA kala kular ban pynbiang ia ki jaka thoh eksam ha ka jylla, na ka liang ka sorkar jylla kala kular ban ia ka jingiatreilang bad ka NTA ban buh ia ki jaka toh CUET eksam.
Haba ia dei bad kane ka sorkar jylla kala thung ia ka State-Level Committee, kum juh sha ki District ban pynbiaid beit ia kane ka eksam CUET hapoh ka jylla hynrei wat ha pdeng kine ki jingkyrshan ka sorkar kane ka jingeh ka dang mih bad kane kala pynkhuslai ia ki ba bun, u myntri rangbah la kyntu ia u myntri ka tnad pule ka sorkar pdeng ban shim khia ia kane.
