Shillong, Nailur 24: U prof S.K Dixit u la phah da ka jingthoh ia ka jingdawa jong ka KSU kaba dei ka Unit ha skul bah NEHU, haba ia dei bad ki nonghikai la ong ba la dep ban khot ia ki applikoshon ban thung ia ki nonghikai ba pura ha baroh ki tnad pule bad mynta dang pynbeit ryntih.
Haba ia dei bad ka jaka ai jingsumar la ai ka jingkular ba ia ki dawai kin sa pynbiang naduh kane ka taiew ban wan, ia ki kali ban kit ia ki samla pule la phah shna sa ar tylli kiba ynsa pyniaid noh shen. Haba ia dei bad ki hostel kiba sah mynta dei tang ka jingpyndait ia ka lait.
Haba ia dei bad ka jingai ia ki syrnot ba dei ban ai na ka tnad thoh eksam kala shim ia baroh ki lat ki lynti kumno ban ai kham pynkloi ha kba pynait ia ki syrnot sha ki khynnah ha ka por kaba biang.
Nalor ba pynlong ia ka NET Eksam kham bun na ka bynta ki khynnah ka NEHU kala pynkhreh ban shna sa ar tylli ki jaka buh computer ban ngiam haduh 250 ngut ki samla pule ban thoh ia ka eksamin ha ka juh ka por bad yn da la dep kine ki ar tylli ki jaka buh Computer lah ban thoh eksam 450 ngut ha ka juh ka por.
