Thung ka HANM ia u bah Lurshai L Rympei kum u Chairman ka Employment Cell

Shillong, Risaw 14: Ka Seng HANM Central Body mynta ka sngi, ka la thung thymmai ia ki nongkitkam ha ka jaka jong u Bah Louis Dohtdong, uba bat kum u Asst. General Secretary bad Chairman ka Employment Cell jong ka Seng.

U Bah Louis u la phah ka shithi iehnoh kam bad ka Seng ka la pdiang ia ka shithi iehnoh kam jong u. Ha ka jaka jong u, la thung noh ia u Bah Edward E. Bamon kum u Asst. General Secretary bad ia u Bah Lurshai Loshelstar Rympei kum u Chairman ka Employment Cell.

Ia kine ki nongkitkam la pynskem bad pynsmai da u President ka HANM Central Body, Bah Lamphrang Kharbani. La iadon lang kiwei kiwei de ki nongkitkam bad ki dkhot ka CEC ha ka jingialang ba la long ha ophis ka Seng ha Mawkasiang.

Kum ka Seng, kila thaw ruh ia ka Unit ha Mawsynram bad pynrung ruh bun ngut ki samla jong ka ri ban long kum ki dkhot ka Seng na ki shnong bapher bapher kiba don ha New Shillong .

 

What Next?

Recent Articles

Leave a Reply

Submit Comment

*