Shillong, Risaw 12: U Myntri ba dei peit ia ka tnad khlaw u James K Sangma mynta ka sngi la ong ba ka sorkar kala thung ia ka kommittee kaba kyrpang ban peit ia ka jingjaboh kaba mih na ki jaka thang dewiong bad ki dang ap ia ka kaiphot.
Ban shu kynnoh ba ba ka don ka jingjaboh ha ka lyer kam dei kaba bha khlem da ioh ia ka jingpynshai na ki stad kiba dei ia kane ka bynta katkum ka saian, ki dang ap ia ka kaiphot bad ha dien ba la ioh kin sa lah ban batai shai kumno ka long bad kaei kaba kidei ban leh.
Haba jubab ia ki jingkylli u myntri ba dei peit ia ka tnad khlaw u la ong ba um don mynta mynta ban ai ia ki jingkhein katno tylli kiba la ioh ia ka jingbit na ka sorkar bad katno tylli kiba long beain ha baroh kawei ka jylla.
Naka liang jong ka sorkar kala bthahia baroh ki Deputy Commissioner jong ki District kiba don ia ki jaka thang dewiong ba lada don kiba pyntreikam beain ki dei ban khang dam noh ia ki mar dor kane kaba ka sorkar kala bthah.
Haba ia dei bad ka jingthung ia ka doktor la ong ba ka sorkar ka dang wat ia ki lat ki lynti kumno ban pynsted ia kane ka jignthung kam bad banithuh noh ia ki kum ki nongtrei sorkar ba pule, ka sorkar ka sengewthuh ia ki jingeh bad ka ialeh kumno ban weng ia ki.
