Shillong, Nailur 20: Katkum ka bor kaba la pynkup da ka riti synshar jong ka BJP u bah Ernest Mawrie State President mynta ka sngi la pynmih ia ka jingpybna ba la thung ia u kum u wei u dkhot ka Kommittee ka State BJP.
U bah Mariahom Kharkrang u la shongthait noh khlem pat dei peit na ka kam kaba u trei bad ha dien ba la shongthiat u la pyniasoh ia lade bad ka party BJP bad u la long ruh u wei na pdeng ki lain gut kiba pan tiket ban ia khun ia ka MLA elekshon 2023 na 17-Shillong North.
Ki kyrong kiba kwah tiket ki don lain gut, u bah Martamlin Pyrbot, u bah Michael Kharsyntiew bad u bah Mariahom Kharkrang, kine baroh lai ngut kidei kiba dang pyniasoh sha ka party BJP mynta u snem.
Ka jingduh ka party BJP na kane ka jaka ka long ba u bah John Anthony Lyngdoh u kyrteng MLA u ba la ia khun ia ka MLA ha u snem 2018 u ba la wan ba ar hynrei u la mih noh na ka party da kaba la ai daw ba kam don ka jingburom ia u hapoh ka party.
