Shillong, Iaiong 21: Ka jingkhlad noh jong u bah J.Dringwell Rymbai myntri rangbah ba rim ka jylla Meghalaya mynta ka sngi kala wanrah ia ka jingsngewsih ba ka jylla Meghalaya kala duh sa uwei pat u nongialam sain pyrthei ba rangbah, ka jingkhlad kala long ka jingduh kaba khraw.
Ki khubor sngewlem kiba la tuid ban pynaw ia kane ka jingsngewsih halor kane ka jingkhlad u myntri rangbah barim ka jylla ka long na u lat ka jylla u Satya Pal Malik u la pynpaw ia ka jingsngewsih halor kane ka jingkhlad noh jong u bah J D Rymbai, ha ka khubor sngewlem la ong ba u myntri rangbah barim ka jylla u dei shisha u briew ban trei na ka bynta ki paidbah, u duwai ba u blei un ai ka jingjahthiat bymjuhkut.
U Myntri rangbah ka jylla u Conrad K Sangma u la pynpaw ia k jingsngew kyndit halor kane ka jingkhlad noh u myntri rangbah barim ka jylla u bah JD Rymbai, ha ka khubor sngewlem u myntri rangbah ka jylla u la ong ba u bah Rymbai dei shisha u briew bala trei ban kyntiew ia ka jylla ha ka roi ka par ka jylla duwai ba ai ka mynsiem kan ioh ia ka jingjahthait bymjuh kut.
U Nongialam ka liang pyrshah hapoh ka iing dorbar thawain ka jylla u Dr. Mukul Sangma u la pynpaw ia ka jingsngew kyndit halor ka jingkhlad noh u myntri rangbah barim ka jylla u Bah JD Rymbai, la ong ba u dei u briew u ba sngewrit kane u lap na ka jingiatreilang, u duwai ba ai ka mynsiem kan ioh ia ka jingjah thait bymjuh kut.
U Dr. Andrew Saimon Commissioner bad Secretary ka iing dorbar thawain ka jylla u la pynpaw ba na ka liang jong ka ophis jong ka Meghalaya Legislative Assembly ka pynpaw ia ka jingsngewsih kaba khraw halor ka jingkhlad noh u mytnri rangbah ba rim ka jylla u bah JD Rymbai.
Ka ophis jong ka Meghalaya Legislative Assembly kala kam lah ban klet ia u kum u Lamphang ka iing dorbar thaw ain ka jylla bad kum juh ha ka por ba u long u symbut Lamphang ka iing dorbar, long u briew ba sngewrit bad u ba jai jai, naka liang jong ka ophis ka phah ia ka khubor sngewlem sha kiba ha iing ha sem bad duwai ba ai ka mynsiem kan ioh ia ka jingjah thiat bymjuhkut.
