Tuid ki khubor sngewlem halor ka jingkhlad u bah Lambok Editor u Nongsain Hima

Shillong, Nailur 22: ka jingkhlad kyndit jong u Bah Lambok Thabah Editor jong ka kot khubor u Nongsain Hima kala pynkyndit ia baroh ym tang ia ki nongthoh khubor jong kane ka jylla Meghalaya hynrei wat ia kiba sha bar jong ka jylla ruh kum juh bad ki khubor sngelem kila tuid ban pynpaw ia ka jingsngewsih halor kane ka jingkhlad noh ba kyndit.

U Myntri Rangbah ka jylla u Conrad K Sangma mynta ka sngi u la phah ia ka khubor sngewlem sha ka kurim ka kong Mildred Sunn ha kaba u la pynpaw ia ka jingsngewsih ban tip halor kane ka jingjia kaba sngewsih.

U Myntri Rangbah ka jylla u la pynpaw ba u Bah Lambok Thabah u la shimti kum u Editor jong ka kotkhubor u Nongsian Hima kawei na ki kot khubor khasi kaba la rim ha kane ka jylla naduh u snem 2003 bad shimet ruh u la ithuh ia u.

U Myntri Rangbah u pynpaw ia ka jingsngewsih kaba khraw halor kane ka jingkhlad kaba khlem pat dei por, na ka liang jong u myntri rangbah u ong ba u duwai ba ha kum kane ka por jong ka jingsngewsih ba u blei trai kynrad u ai bor ia mynsiem ia ka iing ka sem bad to u nongbuh nongthaw un ai ka jingjah thiat ia ka mynsiem jong u.

Ha kane ka sngi na ka liang jong ka seng ki trai kotkhubor ka Meghalaya Editors and Publisher Association ruh kala pynlong ia ka jingkynduh lang ban pynpaw ia ka jingsngewsih bad ka jingduh halor kane ka jingkhlad jong u wei na ki Editor ha kane ka jylla Meghalaya.

Ha kane ka jingialang ki dkhot jong ka MEPA kila pynkynmaw ia ka jingtrei shitom jong u Bah Lambok Thabah bad ka jinglen lade ha ka kam bad kum ka kynhun kaba la duh noh ia u wei na ki dkhot ka seng, na ka liang ka MEPA ka phah ia ka khubor sngewlem sha ka iing ka sem bad ka duwai ba u trai kynrad un ai ka jingjah thiat ia ka mynsiem jong u, ia ka jingialang la pyniaid da u President ka seng u bah Monrak Shabong.

Ha kane ka sngi na ka liang jong ka Shillong Press Club ruh kala pynlong ia ka jingialang ban pynpaw ia ka jingsngewsih halor ka jingkhlad kyndit jong u wei na ki bala kham san ha kane ka kam thoh khubor u Bah Lambok Thabah, ha kane ka jingialang bun na ki dkhot ka SPC kila pynpaw ia ka jingshem bad ka jingiakynduh ha ka jingiatrei ha kane ka kam.

Na ka liang jong ka SPC ruh ka phah ia ka khubor sngewlem sha ka iing ka sem ha kane ka jingsngewsih kaba la wan tap ia ka iing ka sem bad duwai ruh ba u trai kynrad un ai ka jingtngen ia ka iing ka sem bad ba u nongbuh nongthaw un ai ka jingjah thiat ia ka mynsiem jong u Bah Lambok Thabah, ia ka jingialang la pyniaid da u bah Powel Sohkhlet general secretary ka SPC.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet