Shillong, Lber 11: Ka seng ki samla pule Khasi Students’ Union (KSU) mynta ka sngi kala leit ban tur paidbah kynsan kynsan sha sha Assembly da ka jingiaid paidbah ban pyrshah ia ka jingthmu jong ka sorkar ban mynjur ia ka jingpynkylla ia ka Meghalaya State Investment Promotion and Facilitation Act, 2024 bad ban wanrah ia ki lynti rel ha ri lum Khasi bad Jaintia Hills.
Ki dkhot ka KSU, ha ryngkat bad ki lama Blue lem bad ki banner ki la pyrta ruh ïa ki jingpyrta pyrshah ïa ka MSIPF bad pyrshah ïa ka lynti rel. Hynrei kila shah khanglad noh ban iaid sha ka Assembly da ki pulit bad ki magistor.
Ka KSU ka la dawa na ka sorkar ba kan weng noh ia ka jingpynkylla ia ka MSIPF da kaba kynnoh ba kane kajuh kan ai bor ia ka IMA ban thied bad ban ai jaka ia ki nongbei tyngka, kaba long pyrshah pura ia ka Meghalaya Land Transfer Act.
Ka KSU ka la pyrshah jur ruh ia ka jingthmu jong ka sorkar ban wanrah ia ka lynti rel khlem da don lypa ki lad ki lynti kiba treikam ban pyrkhing bad ban iada na ka jingwan rung kyrthlep ki bar jylla. “Nyngkong pyntreikam ia ka Inner Line Permit nangta sa ia kren shaphang ka lynti rel,” la pynskhem ka seng.
