Shillong, Jymmang 24: Mynta ka sngi ka 24/Jymmang/2026 ha ka por lai baje ei ei kawei kali i20 kaba don ia u Registration Number AS01-GG-2500 kala leit ban tynrah iaka wei ka Ambulance 108 kaba don ia u number ML01-A-0199 kaba ieng harud ka surok bah National Highway-6 .
Katkum ka jingiathuh jong ki paidbah kiba iohi ia kane ka jingjia kila iathuh ba kane ka Ambulance 108 kadei kaba dang ieng harud jong ka surok bah National Highway- 6 bad ka kali i20 kaba la pynher stet bha bad u nongniah um lah ban teh la kam shuh leit ban leit tynrah beit beit ia katei ka Ambulance 108.
Ha kane ka jingshah tynah ka kali Ambulance 108 kala hap sha nala, ha kane ka jingjia kam shem la don kano kano ka jingmynsaw bad na ka liang ki bor pulit ka Nongpoh Police Station kila leit mar mar ha katei ka jaka ban leh ia kaba donkam halor katei ka jingjia katkum ka ain.
Kane kali i20 ka dang wan na Guwahati ban wan sha Shillong hynrei ha kane ka jingpynher sted ynda ka poi sha Nongpoh u nongniah ka kali ym lah shuh ban teh lakam u la leit ban tynrah ia ka kali Ambulance 108 kaba dang pynieng ha rud surok bah National Highway-6
