Shillong, Naiwieng 28: Ha ka Jylla Meghalaya ki ju jia ki jingjia kiba pher bap her. Ha ka sien kaba ar ba jied CEM ia nga, ki liang pyrshah ki khlem wan shim bynta shuh ha ka election, ki shu jah la ka jah (abstention).
Ha kaba kumta kata ka jingjia, u Chairman iba shu pynkup bor kyrpang u Governor ba in pyniaid ia kata ka election ia u CEM, u khlem pynlong shuh ia ka election bad shu pynbna ba namar bym don ba wan shim bynta iwei ruh na kawei pat ka liang la jied ia I Bah H.S.Shylla, MDC kum u CEM bathymmai.
Kumta, kita ki liang pyrshah ki la ioh lad ban leit mudui sha ka Meghalaya High Court, ynda la iaid katto katne por la weng noh ia kata ka petition nyngkong da uwei u MDC uba la thep nyngkong ia ka petition; bad hadien ba la poi sha ka jingiakren iasuk, ka Candidate ba ia aireng ban ia khun ia ka post CEM ruh ka weng noh ia ka petition jong ka ruh. Kumta, ka High Court badon burom ka khlem ioh ban bishar pyndep ia kane ka kam.
Mynta pat ha ka election ia u CEM bathymmai hadien ba la pynkhyllem ia ka EC ba la ialam da u Bah Teinwell Dkhar, CEM, ka la election ka la dei ban sangeh noh namar u Bah Teinwell Dkhar iba la file ia ka nomination paper ban ia khun biang ia ka election CEM u la weng noh (withdraw) ia lade kum u candidate, te kumta la sah tang ka nomination paper jong u Bah Latiplang Kharkongor marwei.
Haba kumta ym don election namar u Bah Latiplang Kharkongor u la jop khlem-jingialeh (uncontested), hynrei u Chairman, u pyniaid beit ia ka election sha khmat; don kiba iathuh ba ka la poi slem ka jingweng noh u Bah Teiwell Dkhar,kaba katkum ka Rule 32 (7) dei ban withdraw shwa ka 11.00 AM kaba ju dei ka por ba ka Council ka sdang.
Kaba kham pher shuh shuh ka dei ba tang u Nominated MDC marwei napdeng 30 ngut ki MDC ba ka jinglong MDC ka shong tylli tyllan ha ka jingshem sngewbha jong u Governor, namar ba ia u la thung da u Govenor katkum ka ka paragraph 2 sub-paragraph(1) bad (6A) jong ka Sixth Schedule jong ka Constitution ka India.
Quote “(1) .. of whom not more than four persons shall be nominated by the Governor .. (6A) and a nominated member shall hold office at the pleasure of the Governor” Unquote Bad mynta ka kynti u Governor u la thung ia u Bah Bindo M. Lanong, Ex-CEM, Ex-Dy. Chief Minister, Ex- Speaker ka Meghalaya Legislative Assembly.
Hynrei napdeng ki 29 ngut ki MDC mynta ka kynti dei tang u Bah Bindon M.Lanong u ba la thoh pyrshah ia u Governor u ba thung ia u – “Hidden agenda behind Guvernor action on KHADC : Lanong” Shillong Times dt. 27.11.2019 ha kaba u la thoh ruh kumne Quote “Senior UDP leader and nominated KHADC MDC Bindo M. Lanong.
La ong,Governor Tathagata Roy acted on his personal discretion and by-passed the advice of the state cabinet by approving the name of Chief Executive Member (CEM) Latiplang Kharkongor alleging a hidden agenda behind the governor’s action.”
U Governor ruh da kaba sngewrit u la jubab “Nga la rai ban ai ia ka KHADC ba kan treikam katkum ka bor jong ka, ym ban mushlia ha ki kam jong ka.” Mawphor dt.28.11.2019 Ka jingjia ka bym pat ju jia mynno mynno ruh ba u Nominated MDC un thoh pyrshah ia u Governor.
Ka jingbakla hangne ka dei ba uno uno u nongialam rangbah jong ka Party um dei ban shim ia ka post kaba kum kane namar ka kam ka dawa ia uba kum uta u Leader ban kren man kateng haba mih ki jingjia ba pher ne ki kynrum kynram, katno tam u Bah Bindo M. Lanong uba la bat kat kitei ki kam kiba radbah ha ka Jylla khamtam ruh uba Rangbah-tam (the senior most leader of UDP) jong ka Party UDP. Ong u Bah H.S.Shylla, Ex-CEM, KHADC.
