Shillong, Nailar 13: U Director General ki pulit jong ka jylla Meghalaya u R. Chandranathan u la ong ba ha ka jingiada ia lade ki pulit kila siat ia u bah Cheristerfield Thangkhiew bad kala dei na trai kpoh ha kaba u la mynsaw bad u la khlad na ka jingmynsaw, ha lynti katba dang leit sha hospital.
Haba kren ha ki lat pathai khubor halor kane ka jingshah siat iap u bah Thangkhiew u heh pulit ka jylla Meghalaya u la iathuh ba ki pulit kila leit ban kem ia u Chersiterfield ha iing sah jong u ha Kynton Massar ha dien ba kila lap ba ki don ki sabut ba u don kti ha ka jingbthei bom ha ki ar tylli ki jaka ha jaka sah ki pulit ha Khliehriat bad ha Laitumkhrah, Shillong.
Ha kane ka jingleit u DGP u la ong ba u bah Chersiterfield u la plie ia ka jignkhang iing bad u la ialeh pyrshah da kaba pyndon kam da ka ka tari ban ia khun pyrshah ia ki pulit ha kane ka por ki pulit kila siat shisien siat bad u kuli la dei na trai kpoh ha kaba u la mynsaw bad khlad. U heh pulit u la pynksan ba ki don ki sabut ba u tei u nongialam ba rim ka HNLC u don jingiadei bad ka jingbthei bom.
Haba jubab ia ki jingkylli na liang jong u DGP u la ong ba ia kane ka jingjia la register mukotduma hapoh Mawlai Police Station, la iathuh ban a iing sah jong u la ioh ia ka Pistol kaba kila ioh ban kurup na jaka sah u tei u nongialam ba rim ka HNLC ka dei ka pistol beain, haba ia dei bad ki khun u la ong ba kam dei ka jingkem ia ki hynrei ka dei tang ka jingrah ban pynshisha la ki don bynta ne em.
U Heh pulit u la ong ba u bah Cheristerfield u dei u general secretary ka HNLC bala wan ban pyndem, ia kane ym don jingsngew ei ei, hynrei kaba kaba u don ka jingsngew ka dei halor ka jingmudui pyrshah ia u kaba u don ki sabut satar pyrshah ia u bad u kwah ban kem ia u halor katei ka jingshah kynnoh kata kaba u kwah, ia kiwei ki jingleh jong u um kwah ruh ban tip.
Haba ia dei bad ka jingiakren ia suk, u DGP u la ong ba ka sorkar kala kren shai ba lada ki kwah ban wan ia kren ia suk ki dkhot ka HNLC ki dei ban wan pyndem shuwa, katba ki dkhot katei ka seng ka buh kyndon dei hangta ba kam shym poi shaei shaei ruh. Na ka liang jong u DGP bun ki jingkylli u la shu ong ba ka dei ka jingtohkit ia kaba kim lah ban iathuh.
U DGP u la kam ruh ba ki dkhot ka seng HNLC ki don kumba 16 ngut sha Bangladesh bad kiba don sha ne dei ki nongiarap kane ka long kumba ka paw na ki jingtohkit, hynrei dei tang u wei u ba la tip kyrteng kum u Ranjit Kumar ha jingbthei bom ha khlieh riat u dei u ba kyrni dih drok u ba ka HNLC kala shu ai bylla ia u. Haba ia dei bad kane ka jingjia na ka liang jong ki pulit kin dang bteng ia kane ka jingtohkit.
