Shillong, Naitung 05: U Bah Samlin Malngiang MLA jong ka Sohiong, u la ong ba u Chief secretary jong ka jylla u M S Rao u la ong ba kumba ka long mynta ka District thymmai kaba yn sa thaw thymmai kan kynthup tang ia ka ki jaka jong ka Mairang Civil Sub Division.
Haba kren ha ki lat pathai khubor u bah Samlin MLA jong ka Sohiong, u la iathuh ba kala shu don ka jingkylli na u bah Metbah Lyngdoh MLA jong ka Mariang, Lamphang ka iing dorbar thawain ka jylla hato lada don noh ha ka District kaba thymmai kan long kumno.
U MLA jong ka Sohiong u la ong haduh mynta kam pat don kano kano ka jingthoh ka ban wan na ka sorkar la yn kynthup lang ia ka Sohiong sha katei ka District kaba thymmai, lada jia ba ka don ruh yn nym lah ban rai hap ban pan ia ka jingmynjur jong ki Syiem, Lyngdoh, Rangbah shnong.
Na ka liang jong u MLA u la pynpaw ba lada leit sha ka District thymmai kan don ka jingmyntoi ia ki samla ha ka ioh kam ioh jam namar ki samla na ki nongkyndong kin kham shem jingeh ban ia kop bad kiba na sor Shillong, haba phai pat sha ki kam pynroi ki kham sted lada don ha East Khasi Hills District.
