Shillong, Risaw 15: Ka KSU Jowai Circle mynta ka sngi hapoh ka jingialam jong samla Morningstar Pasi President ha ryngkat ka jingiasynranlang jong u Samla Justice Paul Lyngdoh uba dei u incharge Jong ka KSU Jowai circle ryngkat ki members Jong ka Jowai circle ki lah leit ia kynduh ia u Excecutive Engineer Jong ka P.H.E jowai, West Jiañtia hill district.
Ka jingiakynduh jong kane ka seng ia u EE ka P.H.E ka dei hadien ba ka seng ka ioh jingujor na ki nongshong shnong jong ka shnong Mynso-‘B’ halor ka jingai NOC Jong u Rangbah shnong sha uwei pat u briew, haba lah don ka Rai hapoh ka commitee shnong bad ban ai ia ka NOC Sha ka traishnong ban pyntrei ia ka scheme Napoh P.H.E phewse u rangbah shnong lah ai biang sa kawei pat ka NOC naka bynta kajuh jingtrei shawei da kaba iaid lait iaka rai ka dorbar shnong.
Kumta ka seng ka dawa jur na ka ophis jong ka PHE ba kan weng mardor ia katei ka NOC bad ban ai sha u ne ka ba dei hok ban ioh. Kumta ka seng ka la rai ba lada na ka liang ka ophis kam lah ban pynbait ia ka ba kum katei ka jingialam bakla ne ka jingiuhroit ia ka hok jong kiwei, ka seng kam banse ban iaid da kiwei ki lynti.
