U Lamphang ka iing dorbar thawain ka jylla  u khem shim jingkit hlieh ba twa ka Dome: Vincent

Shillong, Nailur 17: U President ka MPCC u bah Vincent H Pala la ong ba ka jingkhyllem ka Dome ka kren shai ka jinglah trei kam kane ka sorkar ha kaba la iohi ba u Lamphang ka iing dorbar um shym shim ia ka jingkitkhlieh haba twa ka Dome.

U President ka MPCC u la kynnoh ba ka jingkhyllem ka dom dei ba ka sorkar ka kwah ban plie noh ia ka iing dorbar shuwa ka por,kam dei wat hapdeng ka por ruh. Kumba ka paw kim sngewthuh ia ki jnit ki jnat ba don kam lane hynrei ki shaniah tang ha ki ophisar ba dei peit.

U bah Vincent H Pala la kynnoh ba ka jingkhyllem ka Dome imat kala don ka jingiabamsap bad ban khia ia ka kompeni ba shim kontrak ban shna ia kane ka iing dorbar thawain ka jylla.

Ka jinglait phet jong ki briew na byndi ha Jowai ka paw shai ba kala don ka jingia leh klop, hynrei ia kaei kaba ki la pyniap ia ki briew ba lait phet na phatok u ruh ym sngew tynnad kine baroh ki jia namar kala ban ka duk ka kyrduh haduh ba kam don shuh kata ka jingkohnguh ia ka ain.

Ka jingpynkynriah kam ia ki ophisar khah khah kala ktah ia ka jingtrei kam bad kane ka jingeh ka ktah palat ia ka tnad pulit ha kaba ki briew kiba tbit ha ka kam kila shah pynkynriah bad wanrah ia kiba khlem pat sngewtuh bha ia ka rukom trei, ka ong u bah Pala.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet