U Myntri ka sorkar pdeng u John Barla ia kynduh ia Arch Bishop Rev. Victor Lyngdoh

Shillong, Naiwieng 26: U Myntri khynnah ka sorkar pdeng ba dei peit ia ki rit paid u John Bala ha ka jingwan ka jong u sha Shillong ha kine ki sngi u la leit ban ia kynduh ia u Arch Bishop ka jylla niam bah Shillong u Rev. Victor Lyngdoh DD ha ka jigniadon lang u Phadar Richard Majaw,  ryngkat ki nongkit kam jong ka party BJP ia kaba la synran lang da u bah Ernest Mawrie State Presdient.

Ha kane ka jingiakynduh ha iing bishop ha Laitumkrah na ka liang jong u Arch Bishop ula pynpaw ia ka jingsngewnguh ia u myntri ba la wan ban jngoh bad u la khot sngew bha ban wanbiang ha ki sngi leh kmen Khristmas ka ban wan sha kane ka nongbah Shillong.

Na ka liang jong u myntri ka sorkar pdeng u khot u were ia u Arch Bishop ban ia treilang bad ka sorkar pdeng na ka bynta ka roi k apar jong ka jylla, ban wan rah ia ka shongsuk shongsain bad u la pynpaw ia ka jingsngewnguh kaba khraw ia ki Khristan kiba la noh syniang sha ka Ri India ha ka liang ka pule puhti bad ki jaka ai jingsumar.

Ha kane ka jingiakynduh la pynkynmaw ba u myntri rangbah duh jong ka Ri India u Narendra Modi u la ia kynduh ia u kpa bakhuid u Pop Benedict ha Rome, la pynkynmaw ba u myntri ka sorkar pdeng pynkynmaw ba ia lade ruh u wan na ka long iing long sem khristan.

Haba ia dei bad ki jingut jingnam na ka liang u myntri khynnah ka sorkar pdeng u la ong ba un ia leh ban weng ia ki jingeh kaba la pynpaw da ki nongialam niam bad u kyntu ban ia treilang bad ka sorkar na ka bynta ban kyntiew ia ka roi ka par jong ka jylla Meghalaya ha kiba bun ki liang.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet