U Myntri kam poh iing u la ong ba shen un sa buh sngi ban ia kren halor ka ILP: Conrad

Shillong, kyllalyngkot 10: U myntri rangbah ka jylla u Cornad K Sangma mynta ka sngi u la iathuh ba u la ia kren bad u myntri kam poh iing ka sorkar pdeng u Amit Shah halor ka jingiakynduh ban ia kren halor ka jingdawa ka jylla ban pyntrei kam ia ka ILP.

Ha kane ka jingiakren la iathuh ba na ka liang jong u mytnri kam poh iing ka sorkar pdeng u la ai ka jingkular ia u myntri rangbah ka jylla ba shen un sa buh sngi ban ia kynduh bad mar ia buh ia ka sngi yn sa pyntip sha u myntri rangbah ka jylla Meghalaya.

Na ka liang jong u myntri rangbah u la kren shai kdar ba ka kane ka sorkar jong u kala rai skhem ba kan pyntrei kam ia ka ILP bad ha ka sngi kaba u myntri kam poh iing ka sorkar pdeng un khot ia kren kin sa pynpaw ia ka jingdon kam ban pyntrei kam ia ka ILP ha kane ka jylla.

Ka jingdon kam ban pyntrei kam ia ka ILP ha kane ka jylla ka long ban iada na ka jingrung jingmih jong ki briew sha kane ka jylla bad ha ka juh ka por ka sorkar kan peit ba ka jingpynthud ia ki nongwan bad iaki ba wan trei sha kane ka jylla ka dei ban long kaba duna bha da kaba pyndon kam ia ki kor ki bor jong kane ka juk kaba mynta.

Kan long ka jingshisha ba kan long kaba eh, hynrei ka sorkar kala rai ban kan pynsngewthuh ia ka sorkar pdeng ba ka jylla Meghalaya ka don kam ban don ia ka ILP, wat la ia ka jylla Meghalaya ba bun la pynlait , hyrnei na ka daw jong ka jingpyntrei kam ia katto katne kid ain ka jylla Meghalaya ka don kam ban don ia ka ILP.

Halor ka jingkren jong ki kato katne ki briew kiba ong ba lada ioh ia ka ILP kan duh noh ka Sixth Schedule kan long kaba bakla shibun, ki don katto katne ki nongialam sain pyrthei bad ki katto katne ki ophisar kiba kren ia kane hynrei ka sorkar kan nym lah ban ia pein ia kane. Ka Sixth Schedule ka dei ka jingai ia ki jaidbynriew riewlum bad ia ka jylla.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet