Shillong, Jylliew 24: Mynta ka sngi ha ka jingialang jong ka kynhun myntri bala Islam da u Myntri Rangbah ka jylla u Conrad K Sangma kila shim ia ka rai ba na ka liang jong u myntri rangbah bad u Lamphang ka iing dorbar kin phah ia ka shithi sha baroh ki MLA ba kin pynshlur ia ki paidbah hala ki jong ki Konstitwensi ban aisa Tika.
U bah A L Hek baba kren ha kilat pathai khubor u la iathuh ba ym kyntu ia baroh ki MLA ba kin pynshlur ia ki paidbah ba kin wanna sha khmat ba kin ai Tika, na ka liang u myntri rangbah bad u Lamphang ka iing dorbar kin sa phah da ka shithi sha ki MLA, la iathuh ba haduh mynta ka sngi baroh kiba la aisa Tika ki long 629034 ngut.
Na ka liang jong u myntri ka tnad ka koit ka khiah la ong ba ka ain sa leh ia kaba don kam pyrshah ia kito kiba ialam bakla halor ka Khlam COVID-19 bad kane ksm long ia kito kiba pynsaphriang kin shah pynshitom lang.
La pyntip ruh kumba ka long mynta ka sngi kiba la test COVID-19 positive ki long 420 bad kiba dang shitom ki long 4424 ngut, kiba la ioh ia ka jingkoit ki long 298 ngut kiba la koit baroh ki long 41647 ngut.
La pyntip ba kiba khlad mynta ka sngi ki long 10 ngut, East Khasi Hills 7, East Garo Hills 1, West Jaintia Hills 2 bad kiba khlad haduh mynta ki long 807 ngut.
U Director ka tnad ka koit ka khiah u Dr Aman Wat u la iathuh ba ka jingshitom ki briew man ka sngi ki long hapdeng 400 bad 500 ngut haba khein kyllum, kiba khlad naduh u bnai Kyllalyngkot haduh u Jymmang ha ka jylla ki long 8000 ngut na kitei kiba khlad na u COVID-19 ki long tang 400 ngut.
