New Delhi, Jymmang 12: U myntri rangbah duh jong ka Ri India u Narendra Modi ha ka jingkren jong u sha ki paidbah jong ka Ri India mynta ka miet la ong ba ka jingjop jong ka “Operation Sindoor” ka dei ba ki long kmie bad ki khun kila ioh ba kumno kila shah siat im im peit peit ha ki lehnoh.
U myntri rangbah duh jong ka Ri India ha ka jingkren mynta ka miet sha ki paibah ka Ri India u la kdew shai kdar ba ka Bahawalpur bad Muridke ha Pakistan ki dei ki skul bah ban hikai ia ki kam lehnoh, ka Pakistan ka pyrshang ban weng ia ka Sindoor na ki long kmie ka India kala jynrat ia ki ktem hikai lehnoh.
U myntri rangbah duh jong ka Ri India mynta ka miet la pynthikna ba ka Ri India kala tied dap spah namar kala siew kylliang ia ka Pakistan da ka jubab kaba shai kdar ba kala sngewthuh mynta.
U myntri Rangbah duh ka Ri India u la ong ba kane ka jingjia kaba mynta kala kdew shai ka jingbymler ki shipai ka ri Pakistan ban ia nujor bad ki shipai jong ka Ri India, u myntri rangbah duh jong ka ri la kren ba lada don kano ba ka ri Pakistan kan dang kyrshan ia lehnoh ka Ri India kan nym ieh da lei lei kan ther tyngeh.
U myntri Rangbah duh ka Ri mynta ka miet la kren shai kdar ba dei ka Pakistan kaba la wan pan map ban don noh ia k jingiasuk namar kam lah shah shuh ia ka jingshah ther ha ki shipai jong ka Ri India kaba la pynbor ia u DGMO ban phone sha u DGMO jong ka ri India.
U Myntri Rangbah duh ka Ri la ong ba kane ka “Operation Sondoor” kam pat kut ka India kan ther tyngeh lada dang don ka jingwan pynthud, la ong ba lada don kano kano ka Ri India kan jubab da kaba tyngeh, ka jingkam ba ka Pakistan ka don Nuclear kan nym treikam, kam don jingiapher ha pdeng ki lehnoh bad kito kiba kyrshan ia ki lehnoh barohg ki long ki juh.
