Shillong, Nailar 07: Mynta ka sngi kala don ka jingiakynduh ki myntri rangbah jong ki jylla bapher bapher jong ka Ri bad u myntri rangbah duh u Narendra Modi ha Delhi ha kaba u myntri ranbah ka jylla u Conrad K Sangma u la ia don lang.
Kane ka jingiakynduh kaba la pynlong mynta ka sngi ka dei ka jingiakynduh kaba hynniew kaba la tip kum ka “Governing Council” jong ka NITI Aayog, ia kane ka jingialang la pyniaid da u myntri rangbah duh u Narendra Modi.
Kane ka jingiakynduh ka long ba ka don ka jingiakren ban ia pyni hapdeng ka sorkar pdend bad ki sorkar jylla ban ia mir jingmut kumno ban pynkhlain shuh shuh ia ka jigniadei khnang ban lah ban kyntiew ia ki ri ha kiba bun ki liang jong ki kam pynroi.
Ia kane ka jingialang la pynlong mynta ka sngi ha Rashtrapati Bhavan Cultural Centre New Delhi, ha kaba ki myntri rangbah ki jylla jong ka Ri India kiba la poi ban ia shim bynta ha kane ka jingialang bala pyniaid da u myntri rangbah duh ka Ri, kane ka long katkum kaba la pynpaw da u myntri rangbah ka jylla ha ka twitter.
