U Mytnri Rangbah duh u Narendra Modi u la ong, ka Ri India ka dei ka ri kaba dang lung

New Delhi, Risaw 11: U Myntri Rangbah Duh, u Narendra Modiu la ai jingkren lyngba ka video mynta ka sngi ha ka United Nations World Geospatial International Congress.

Ha ka jingpdiang burom ia ki delegate, u Myntri Rangbah Duh u la ong, “Ki briew ka India ki kmen ban pdiang burom ia phi ha kane ka kynti kaba kyrpang katba ngi thaw lang ia ka lawei kaba thymmai.”

U la ong ba u kmen ba kane ka Conference ka long ha Hyderabad, bad u la ong ba kane ka nongbah ka paw namar ka deiriti bad ki rukom shetjingbam, ka jingpdiang ia kiba wan sha kane ka jaka bad ka jingmut jingpyrkhat kaba long katkum ka juk teknoloji mynta.

U Myntri Rangbah Duh u la ong ba ka phangpdengjong kane ka jingialang kalong ‘Geo-enabling the Global Village: No one should be left behind’ bad ia kane lah ban iohi ha ki sienjam ba ka India ka la shim ha kine ki snem ba la dep.

“Ngi la trei ha ka jingthmu ban don ka Antyodayakaba mut ka jingpynkup burom ia baroh ki briew, bad ia kane ka kam ngi la khein ba ka long kaba kongsan,” u la ong. 450 million ngut ki briew ki bym ioh bynta ha ki kam bank, kaba long ka jingbun briew kaba palat ia ki briew kiba sah ha USA, ki dei kiba la wanrah hapoh ki kam bank bad 135 million ngut ki briew.

Kaba long kumba arshah ki briew ka France, ki dei kiba la ioh insurance, la ong u Myntri Rangbah Duh. Ki kam kiba iadei bad ka jingkhuidjingsuba ki dei kiba la ai sha 110 million tylli ki longiing bad la ai um kor ia palat 60 million tylli ki longiing, u la bynrap da kaba ban jur ba “Ka India ka pynthikna ba ym don manomano ba shah ieh dien.”

Ka teknolojibad ki sap ki dei ar tylli ki rishot kiba long kongsan ha ka jingiaid lynti ka India sha ka roi ka par. Ka teknoloji ka wanrah ia ka jingkylla, la ong u Myntri Rangbah Duh da kaba kdew sha ka nuksa jong ka JAM kaba la ai jingmyntoi ia 800 million ngut ki briew khlem kanokano ka jingthut bad ruh ka rynsan teknoloji kaba la ai bor ia ka kam ai dawai tika kaba iar tam ha ka pyrthei. “Ha India ka teknoloji kam dei kaba wanrah ia ka jingiajngai. Ka dei kaba wanrah ia ka jingiajan,” la ong u Modi.

U Myntri Rangbah Duh u la kren shaphang ka bynta jong ka geospatial teknoloji ban wanrah ia ka jingkdup lang ia baroh bad ka roi ka par. Ka bynta jong ka teknoloji ha ki skhim kum ka SVAMITVA bad ka jingpynbiang iing sah, bad ki jingmih na kane ha kaba iadei bad ka jinglong trai jaka bad ka jingpynkupbor ia ki longkmie, ka don ka bynta ha ki Sustainable Development Goal jong ka UN halor ka jingduk bad ka jingiaryngkat kyrdan ki shynrang bad kynthei, la ong u Myntri Rangbah Duh.

Ia ka PM GatiShakti Master Plan la aibor da ka geo-spatial teknoloji, kumba long ka rynsan Digital Ocean, u la ong. Ka India ka la ai nuksa ha ka jingiasam ia ki jingmyntoi jong ka geo-spatial teknoloji, la ong u Myntri Rangbah Duh, da kaba kdew ia ka nuksa jong ka South Asia Satellite kaba plie ia ki lad jingiakren ha ki jaka ba marjan ia ka India.

“Ka India ka dei ka ri kaba dang lung kaba don ka mynsiem ban saindur thymmai,” la ong u Myntri Rangbah Duh, da kaba kdew ruh ia ka bynta jong ki sap kum u rishot ba ar jong ka jingiaid lynti ka India. Ka India ka dei kawei na ki startup hub kiba biang tam ha ka pyrthei, u la ong, ha kaba ka jingdon ki unicorn startup ka la kiew jan arshah naduh u snem 2021 – kaba long ka dak jong ka sap ki samla ka India.

Kawei na ki jinglaitluid kiba kongsan tam ka dei ka jinglaitluid ban saindur thymmai, la ong u Myntri Rangbah Duh, bad ba la pynthikna ia kane ha ki kam geospatial. Ka jinglum, jingpynmih bad jingpynkylla digital ia ki jingtip geospatial mynta ka dei kaba la pynbeit, u la bynrap.Ia kum kine ki jingpynkylla la wanrah lang bad ka jingkyntiew ia ki kam kiba iadei bad ki drone bad ka jingplie lad ha ki kam haw haw na ka bynta ki briew bad ki kynhun shimet, ha ryngkat ka jingsdang ka 5G ha India.

Katkum u Myntri Rangbah Duh, u Narendra Modi, ka khlamCOVID-19 ka la dei ban pynkynditbynriew ia ki briew bad la dei ban pdiang lang ia baroh. Ka long kaba donkamia ka rukom treikam kaba skhem da ki ri baroh ban iarap iwei ia iwei ha ki por jong ka jingeh, u la ong.

“Ki kynhun ka pyrthei kum ka United Nations ki lah ban ialam lynti ban pynpoi ia ki jingdon jingem sha baroh. Ka jingbtin bad ka jingiasamia ka teknoloji ki long kiba donkam bha ban ialeh pyrshah ka jingkylla ka mariang, la ong u Myntri Rangbah Duh uba la ai jingmut ba lah ban iasam ia ki rukom treikam kiba biang duh ban pyllait im ia ka pyrthei.

U Myntri Rangbah Duh u la kren shaphang ki lad kiba bun ba ioh na ka geo-spatial teknoloji. Kine ki kynthup ia ka roi ka par kaba lah ban pynneh ha ki jaka sor, ka jingpeit bad jingpynduna ia ki jinglynshop ka mariang, ka jingbuddien ia ka jingktah ka jingkylla ka mariang, ka jingpeit ia ki jaka khlaw, ka jingpeit ia ki tyllong um, ka jingpynsangeh ia ka jingduh ki jaka khlaw bad ka jingshngain ha ka jingdon ka bam. U la ong ba u kyrmen ba kane ka jingialang kan long ka rynsan ban iakren shaphang ka jingiaid shaphrang ha kum kine ki kam kiba kongsan.

Ha kaba pynkut, u Myntri Rangbah Duh u ong ba u dap da ka jingkyrmen ha kane ka sngi. “Ha ka jingiadonlang kito kiba don bynta ha ki kam geo-spatial na kylleng ka pyrthei, ha ka jingiadonlang kito kiba wanrah ia ki polisi bad ruh ki riewshemphang, bad ka jingiamir jingmut jong ki, ngangeit skhem ba kane ka conference kan ialam ia ka pyrthei sha ka lawei kaba thymmai,” u la ong.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet