Shillong, Nohprah 14: Mynta ka sngi ka tnad ka rep ka riang kaba dei peit ia ki kam thung soh thungpai jong ka sorkar Meghalaya mynta ka sngi kala pynlong ia ka tamasa die soh niamtra ha State Central Library ha kaba ki nongrep na kylleng ka jylla Meghalaya kila wan ban ia shim bynta ban pyninam ia ki soh ba kiba mih na ka dong ka thain jong ki.
Kiba la wan ban ia shim bynta ha kane ka tamasa ka long na baroh ki District Agriculture na ki khadwei tylli ki District ha ka jylla Meghalaya. Ha kane ka sngi kala don ruh ka jingiakynduh ha pdeng ki nongrep bad ki ophisar jong ka ICAR kiba dei peit ia ka kam rep soh ha kaba kala don ka jingiamir jingmut hapdeng jong ki bad ki nongrep.
Ha kane ka jingiamir jingmut u ophisar jong ka ICAR ha ka jingiakren bad ki nongrep u la batai kumno ban leh ha kaba thung ia u diengsoh niamtra bad ha kano ka rukom ban ioh ia u diengsymbai u ba bhatam. Ha ka jingbatai jong u la ong ba u symbai sohniamtra u ba bha tam dei u ba ki nongrepki pynmih hi ia u symbai diengsoh.
Ha kane ka sngi na ka liang jong ka tnad rep ba dei piet ia ki kam thungsoh thungpai kila shim kyrteng ia ki shong baroh bar u soh u ba mih na ki shnong bad u ba bun dei na kane ka East Khasi Hills District jong ka thain Riwar, na Pynursla, Sohra bad Mawsynram Block.
