Shillong, Rymphang 03: Halor ka jingdon ki briew ki ba aiwai ia ki kali private bad ki kali ar shaka. Ka kynhun ki nongniah kali kamai kaba la tip kum ka East Khasi Hills Local Texi Welfare Association ki la leit ban buh jingthoh ha ka Deputy Commissioner ka East Khasi Hills District ka kong R.M Kurbah ba kan tuklar lem halor kane.
U President ka East Khasi Hills Local Texi Welfare Association u bah Wandonbok Jyrwa u la pynpaw ba kine ki kali private ki kamai khlem kot khlem sla bad kane ka buh jingma shibun ia ki tourist kiba wan nabar.
Ha kine ki khyndiat sngi ba la dep u la ong ba ki don ki driver kali ki ba hap ban leit siew ia ki khajna jong ki ha ka ophis u DTO, katba katei ka ophis ka khang. U la ong ba katei ka jingkhang katei ka ophis sorkar ka la ktah jur ia ki nong niah kali kamai. Namar lada bakla tang ka permit ha ka shisngi, ka phain ka ba ki hap siew ka dei da ki phew hajar tyngka.
U la ong ba ka jing pyn-ngat duty election ia ki staff jong katei ka ophis ka ktah jur ia ki nongniah kali kamai. Kumta ma Association ka dawa ia ka DC ba kan exempt ia ki penalty. Hynrei lada ka penalty ka iaid shakhmat, ka mut katei ka ophis ruh ka dei ban plie la ong utei u nongialam.
Shuh shuh u la ong, ngin nym tuklar ia ki kam ophis, hynrei ngin tuklar beit ia kaba phi ktah na ka pla u paitbah, namar ba ngi dei ki nongsiew taxes sha ka sorkar, katba u paitbah nongshong kali pat u siew indirect taxes sha ngi ki nongñiah kali, u la ong.
U la kynthoh ruh ia ka ia ka police department, da ka ba u ong ki pulit ki nang tang ban check ia ki kot ki sla jong ki kali kamai, kan eh aiu ia ki pulit ba kin check ia ki kot ki sla kali ha kane ka juk technology mynta haba tang ma ngi para ba niah kali ha surok tang na ka mobile ngi la lah ban tip kino ki kali ba bing bad kino ki kali bym biang ki kot ki sla. Check beit on spot ia ki bym biang ki kot ki sla phaiñ beit bad ia ki ba biang ngi pyrshah ba ki pulit kin phaiñ.