Shillong, Jylliew 14: u Bah Tlanding Wahlang na ka shnong Sngimawlein na ka thain Mawkyrwat, u la long u ba nungkong na ka jylla Meghalaya u ba la ia shim bynta ha ka jingiamren ha ka “Trail World Championship” kaba la long ha Ri Portugal ha Europe, ia kaba la pynlong da ka International Association Ultra Runner’s.
Haba kren ha ki lad pathai khubor mynta ka sngi, ka Dr Carol kala iathuh ba ha kane ka jingiamareh kaba la long ha Portugal mynta u bnai na India ki long san, nalor u Bah Wahlang, kiwei ki longu wei na Delhi, Bangalarue, Jammu bad Kashmir bad u ba sah ha Canada.
Ki nongiashim bynta na kylleng ka pyrthei ha kane ka jingiakop mareh ki long 233 ngut ki shynrang bad 129 ngut ki kynthei, na pdeng ki shynrang u la Bah Wahlang u ka ioh ia ka number 114 ha ka pyrthei bad na pdeng ki para nong India kiba la ia shim bynta u la ong u ba nyngkong.
Ha ka jingiathuh u Bah Wahlang, la ong ba ka jingbym lah jong u ban poi kham sha khmat ha kane ka jingiakop ia mareh ka dei na ka daw jong ka jingstang ka juti, la ong ba ha ka jingiamareh kaba 42 KM tam, u dang pyrkhat ba kan long ka jingiamreh kum ba long ha madan hynrei ka jingiamareh ba hap ban kiew ia ki lum hiar ia ki them bad hap iaid ia ki mawsaling.
Ha dien ba u la mareh haduh 35 Km tam ki kjat jong u kila pang namar ki stang ki juti bad ban pynkut ia ka 42 km tam, 10 km u la shu hap ban iaid kumba iaid kjat bad ia kane ka jingiamareh ba la buh ban pyndep hapoh ka 8 kyntu u la lah ban pyndep tang hapoh ka saw kynta tam bad u la wan ba 114 na pdeng ki shynrang bad lada khein lang bad kynthei u la wan ban 129 na pdeng ki 413 ngut kiba la wan ban ia shim bynta.
U Bah Wahlang u la ong ba da kane ka jingioh ban leit ia mareh sha bar jong ka Ri India ia kaba la kyrshan da ka Meghalaya Runner’s Association kala dang ai bor shuh shuh ia u ban dang kham pyntbit shuh shuh ha kane ka kam ia mareh, u la iathuh ban a ka kamrep mynta da ka ia mareh u la lah ban shna ia ka iing na ka bynta ki khun.
