Wan thung dieng post ilektrik ka Assam ha Khanduli, ujor ka KSU sha u DC ka WJH Distrik

Jowai, Nailur 16:Ka Khasi Students Union (KSU) Jaintia Hills District Unit bad ka KSU.Nartiang Unit ha ryngkat bad ka KSU Namdong Unit mynta ka sngi ka la leit ban ïa kynduh markhmat bad u Garod L S N Dyes(IAS) Deputy commissioner West Jaintia Hills District Jowai ban pynsngew ha u ia ka jingeh jong ki paitbah ka thaiň khappud ha ka Shnong khanduli.

Kane ka jingiakynduh ka long halor ka jingkyntur pud bad wan thung ne sieh klumar ia ki Electrict Pole da ka sorkar Assam khlem da iaid kat kum ki kyndon jong ka Ain,ia kiba kum kine ki shait jia na ka por sha ka por namar ka daw ka long ba ka sorkar Meghlaya haduh mynta ka dang leh khiew ja kai ha ka jingiadei bad ki thain khappud ha baroh kawei ka bri u Hynniewtrep Hynniewskum.

Ka seng sa ka wei ka mat jingdawa ka long ia ka jingeh jong ki paitbah ha ki bynta jong ka thaiñ Nartiang hi baroh kawei ha ka jingiadei bad u surok Nartiang shaduh Khanduli.

Ia kane ka jingleit ïa kynduh na ka liang ka District Unit la ialam da u President u Samla Rangbah Ohibait Dkhar bad u Asst Finance Secretary Samla Rangbah Shaniah S.Dkhar.Bad na ka liang ka Nartiang Unit lawan ban mih khmat da u President u Samla Rangbah Banjop Raliang, kumjuh na ka liang jong ka Namdong Unit lawan mih khmat da u President jong ka u Samla Rangbah Shanbor War.

Ka seng ka la ia kren sani bha bad u tei u khlieh jong ka District Administration bad lada wa ba kum ka District ka dei ban tuklar mardor khnang ba ki paradoh parasnam jong ngi kiba sah sha ki thain khappud kin long kiba shngain, shuh ka seng kala dawa ba lada jia ba ki bor ba dei peit kim shimkhia ia kane ka seng hi kam banse ban pyrkhat da kiwei pat ki lynti na ka bynta katei ka kam.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet