Wanrah ka tnad I&B ia ki jingpynkylla  ha ka Cable Television Network Rules, 1994

New Delhi, Kyllalyngkot 17: Ka Tnad Information and Broadcasting mynta ka sngi ka la pyllait ia ka jingpynbna ba la pynkylla ia ka Cable Television Network Rules, 1994 (the Rules), ban pyniaid ryntih ia ka kam pynrung kyrteng ki Local Cable Operator (LCO).

Kane ka la treikam naduh mynta ka sngi, ka jingpynrung kyrteng ki LCO kan long lyngba ka bor internet bad ka Tnad hi kalong ka bor ba dei khmih ia ka jingpynrung kyrteng jong ki.

Hadien ba la dep pynthikna ia ki jingtip shaphang u nongaplai, ba kynthup Aadhaar, PAN, CIN, DIN bad kiwei kiwei, yn ai ia ki syrnotjingpynrung kyrteng ki LCO ha ka por kaba biang. Kumjuh ruh, ka don ka lad ban kyrpad pyrshah ia ka jingshah kyntait ka jingpynrung kyrteng lane pynthymmai na ka bynta ka jingkyntiew kyrteng ki LCO.

Mynshuwa, ka kam pynrung kyrteng ia ki LCO la leh ha ka head post office ha ka thain ha kaba ka office jong ka LCO ka don bad ka Head Postmaster kum ka bor ba dei khmih ia ka jingkyntiew kyrteng jong ki.

Ka kam pynrung kyrteng da kaba leitdalade kalong kaba bunkam bad kaba shim por. Kumjuh ruh, ka jaka pyntreikam hadien ba ladep ka jingkyntiew kyrteng kalong beitthik ha ki katto katne ki jaka.

Ki mat ba kongsan jong ki Ain ba la pynkylla ha kaba iadei bad ka jingkyntiew kyrteng ki LCO kilong, Ki LCO ki lah ban aplai ka jingkyntiew kyrteng ba thymmai lane pynthymmaiia ka jingkyntiew kyrteng online ha ka Broadcast Seva Portal jong ka Tnad I&B (www.new.broadcastseva.gov.in) bad yn ai ia ka syrnotjingpynrung kyrteng online.

Yn ai jingbit ka jingkyntiew kyrteng ki LCO lane pynthymmai na ka bynta ka samoi san snem; Ka jingsiew na ka bynta ka jingkyntiew kyrteng lane pynthymmai kalong tang san hajar tyngka;  Ka jingkyntiew kyrteng ki LCO kan plié lad ban treikam ha baroh u pud u sam jong ka India.

Ka jingaplai ban pynthymmaiia ka jingkyntiew kyrteng kan long kumba 90 sngi shuwa ka jingkut jong ka jingkyntiew kyrteng. Ki LCO ki lah ban buh ka jingkyrpad hakhmat ki bor ba dei khmih kata Under Secretary (DAS) pyrshah ia ka rai jong ki Bor ba dei khmih , kata u Section Officer ba dei khmih haba shah kyntait ka jingkyntiew kyrteng lane pynthymmai ia ka jingkyntiew kyrteng hapoh 30 sngi jong ka jingshah kyntait.

Ka jingkyntiew kyrteng ki LCO kan treikam na ka bynta ka samoi ba la kdew ha ka syrnot kyntiew kyrteng. Ha kaba iadei bad ka jingkyntiew kyrteng ba la dep jong ki LCO kin treikam sa tang 90 sngi, ka jingaplai ban pynthymmai, lada don, lah ban leh mardor ha ka portal.

Ki aplikeshon ba la leh ha ki Post Office na ka bynta ka jingai jingbit/Pynthymmai ia ka jingkyntiew kyrteng, kiba dang sahteng haduh mynta, kin hap ban weng noh bad hap leh lyngba ka portal.

Lada donkam kanokano ka jingiarap, lah ban phone ha u helpline number ba don ha ka portal  lane lah ban phah da ka email sha ka lco.das[at]gov[dot]in .

Ka rukom ban kyntiew kyrteng bad pynthymmai ka iahap bad ka jingkut jingmut jong ka sorkar ban pynsuk ia ka kam khaii pateng, ha kaba yn lah ban ioh ia ka syrnot kyntiew kyrteng/ pynthymmai ha ka por kaba biang hadien ba ladep pynthikna online ia ki jingtip jong kiba aplai.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet