Shillong, Naiwieng 19: U Bah Titosstarwell Chyne Executive Member ba dei peit ia ka khyndew ka shyiap hapoh jong ka KHADC mynta ka sngi u la wanrah hapoh ka iing dorbar ia ka Khasi Hills Autonomous District (Regulation and Adminstration of Land) Bill, 2019.
U bah Teibor Pathaw EM ba dei peit ia ka khuid ka suba mynta ka sngi u la wan rah ia ka Khasi Hills Autonomous District (Solid Waste Management) Bill, 2019. Ia kane ki Bill baroh ar tylli kiba la wanrah mynta ka sngi kin sa ia kren bniah ha ka 22 tarik mynta u bnai shuwa ban pdiang ia ki.
Na ka liang jong u bah Pyniaid Syiem Deputy CEM ba dei peit ia ki kam elaka u la wan rah ia ki jingpyntip sha poh ka iing dorbar ha kba ia dei bad ki kam ileshon kiba la long ha ki hima bapher bapher kiba hap hapoh ka jingpeit jong ka KHADC.
