Shillong, Rymphang 25: U bah Gigur Myrthong Deputy Chief Executive Member jong ka KHADC, ha ka sngi sdang ka dorbar mang tyngka mynta ka sngi u la wan rah ia ka mang tyngka jong u snem 2021-2022 ha ka jingduna kaba T.95130 tyngka.
Haba wanrah ia kane ka mang tyngka na ka bynta u snem 2021-20222 u bah Gigur u la ong ba ia ka jingkhein kaba dei jong u snem 2020-2021 um pat lah ban ai namar pat ioh lut ia ki jingkhein ia kane ka jingkhien un lah ban ai ha ka mang tyngka ka ban sa long ha u wei us nem.
Haba wanrah ia kane ka mang tyngka, la buh antad ba ka jinglut na ka bynta u snem mang tyngka 2021-2022 kan long haduh T.239,14,49,070/- tyngka katba ka jingmih la khein antad kan long T.239,13,53,940/- tyngka da kane ka mang tyngka ka long kaba duna da T.95130 tyngka.
Haba wanrah ia kane ka mang tyngka na ka liang jong u Deputy CEM, u la pynsngew ruh hapoh jong ka iing dorbar ia ki lat li lynti kiba ka KHADC ka don ia ki lat pynmih pisa bad u la btai ruh ia ki bynta kiba ka KHADC ka hap ban pynlut.
