Shillong, Nailar 03: Ka jingiaid riewblei ki riew ngeit hindu kaba ar sngi na Mahadev Khola sha krem Mawjymbuin kaba don ha Mawsynram kala kut mynta ka sngi ha kaba palat spah ngut kila iaid kjat wat hapdeng u slap u ba jur mynta ka sngi.
Mynta ka sngi ki riew ngeit hindu kiba la shah miet ha shnong Phanniewlah kila mih dang step na kane ka jaka bad bteng ia ka jingiaid kjat ka jong ki khlem khein ia u slap ban poi sha katei ka krem Mawjymbuin.
Kane ka jingiaid riew blei ka jong ki la don lang bad kynthei bad shynrang, kila don kiba iaid da ka kjt suda bad kiba la phong juti bad ha lynti kiba la pang kjat kila don ki kali Ambulance ban iarap ia ki ha kane ka jingiaid lynti.
Kane ka jingiaid riew blei kaba ar sngi kala iaid beit na ka sngi ba ki mih ha ka 2/8/2025 na Mahadev Khola bad ki iaid ynda ki poi sha ka shong Phanniewlah kila sah miet bad mynta ka sngi kila bteng ia ka jingiaid jong ki katban da poi sha kremMawjymbuin.
Na ka liang jong ki nongpyniaid kila phah ruh ia ki bus ban kit ia ki ne ki nongleit iaid pilgrim ba kin wan phai sha Shillong ynda la dep ka jingleit iaid riewblei ka jong ki sha katei ka jaka katkum ka jingbthah ka iing bishar ka High Court Meghalaya.
