Shillong, Nohprah 18: Ka seng Khasi Student Union (KSU) mynta ka sngi kala leit ban buh syntiew ha u maw mot jong u myllung Soso Tham ha State Central Library ban burom ia ka lyngkhuh sngi iap kaba 79 jong u ne u riew khraw jong ka jaidbynriew khasi.
U samla Lambokstarwell Marngar president jong ka seng samla pule haba kren ha kane ka jingialang u la ong ba ha kine ki 79 tylli ki snem u Myllung Soso Tham u la leit noh na kane ka sla jong ka pyrthei hynrei ki kyntien bad ki symboh pyrkhat ki dang iai im bad kin dang iai kyrsoi na kawei ka pateng sha kawei ka pateng.
U la long kum u nonghikai, kum u nongthoh u ba la noh syniang ha ka ri bad ka jaidbynriew baroh kawei. Kum ka jaidbynriew ka long kaba don bok kaba juh sei ia ki nongialam la ka long ha kano kano ka bynta ruh. Lada pule bad ngam jylliew ia kiba u myllung Soso Tham ki long kiba kit jingmut haduh katta katta.
La ong ba la don hateng hateng ha ka jigniaid lynti jong ka KSU ha ki lynti bapher bapher bad ha ki jingshah tynjuh bapher bapher haba ki ngam jylliew ia ki symboh pyrkhat jong u myllung ki long pynbna ki jingai mynsiem, ki kyntien kiba u la kren da ki phew snem mynshuwa kin long ki kyntien ban kyrisew iaka Ri bad ka jaidbynriew baroh kawei.
Ha kane ka sngi u President ka KSU u la ong ba kum ka jaid byrniew ka dei ka jaidbynriew kaba rit kiba dang duna ha ki jingbun paid. Ka jingthoh jong u Myllung ha kaba u ong yn sa long nongtong um bad nongthoh dieng jong no re, hynrei kam shym mut ban long ki mraw, hynrei ka long ban kyrsiew iaki para para jaidbynriew baroh kawei ban ieng skhem, dei ban long kiba khih ba ksar ban pynneh ia ki riti ki dustur ka ktien ka thylliej ban pynneh pynsa la ka long ha kano kano ka bynta ruh.
Ha kane ka sngi u president jong ka seng KSU u la ong ba u pynkynmaw ba ka jingdawa jong ka seng ka long ba ka ktien khasi ka dei ban ioh rung noh ha ka khyrngit kaba phra jong ka riti synshar jong ka Ri India. Halor kane ka sorkar kala pdiang ia ka rai halor kane hapoh iing dorbar hynrei ka don pat ka jingsah um dum ba shano kane ka lynti kan ialam.
Kaei kaba kum ka KSU ka kwah ban kren ba, ngeit ka sorkar jylla kan dem diap ban bud dien kan iai pyrshang ban pynurlong ia ka ei ka jingkwah jong ka Ri bad ka jaidbynriew baroh kawei, na ka liang jong ka seng kam shym la shong kli kti hynrei na ka por sha ka pork an iai pynkynmaw la ka long ia ka sorkar jylla ne ka sorkar pdeng.
Kum ka jaidbynriew kaba mat ia shibun ki jingtynjuh ki jingshah pyntyrha, hynrei kaei kaba kum u nongialam ka seng u kwah ban ong ia ki para samla ba ki im ha kine ki sngi ban jubab sha ka ri bad ka jaidbynriew baroh kawei, ka dei ha ka tyrpeng jong phi u wei pa u wei ia kaba yn pyrshang ban thaw thymmai ia kaba yn pyrshang ban mih sha khmat na ka bynta kaba bha tam na ka bynta ka jingshngian ka jingskhem jong ka pateng ka ban sa wan ban ki paia ban tei ia ka jaidbynriew hapdeng ka jingtyrha.
Na ka liang jong ka KSU ka kyntu ia ka sorkar ba ka dei ban wanrah noh ia ka “Education Policy” kaba pura ha ka jylla baroh kawei hynrei kaba sngewsih long ba wat la la ioh ia ka jylla ba pura kam shym la don kano kano kam jingpynbiang kaba thikna ha ka pule ka puthi. Kum ka seng kan iai dendiap ban pynbit pynbiang na ka bynta ki samla ban bit ban biang bad kaban phalang sha ka lashai.
Ha kane ka sngi kiwei kiba la kren ki long u nongialam ka seng FKJGP jong ka Mawlai bah Khrawkupar Nongsiej, ki dkhot jong ka seng KSU na ka seng kmie, shuwa ba kan don ka jingialang la pynlong nyngkong ia ka jingbuh syntiew.
