Wat shah thied tad da ka 200 lane 500 na ka bynta san snem: HANM

Shillong, Rymphang 06:   Ka seng Hynniewtrep Achick National Movement (HANM) ha ka kyrwoh ka jong ka ka la pynpaw ba ka sngewkhia bha na ka bynta ka Ri bad kjait Bymriew, dei na kane ka daw ba ka kyntu ia ki paidbah ba ki dei ban pyrkhat bha ha kaba thep ia ka vote ka jong ki.

Ha kane ka kyrwoh kabaBah Lamphrang Kharbani bad u Bah Rejoice Nongsiej nongialam ka HANM la soi da u Bah Rejoice Nongsiej General Secretary  jong ka Central Body ka u la ong “  ko paidbah wat shah thied tad ia lade tang da ka T.200/ bad ka T.500/ na ka bynta san snem, lada ki don ki candidate kiba pynbiej da ka pisa kynmaw ba ki don ka jingmud kaba sha lyndet”.

Na ka liang jong ka seng HANM ka ong ba “ Ngi don kam ban jied ia ki nongmih khmat kiba don ia ka jingkitkhlieh na ka bynta ka constituency bad khamtam eh ia ka jylla baroh kawei. Haba jied ia ki nongmih khmat dei ban peit ia u ne ka briew wat peit ia ka party namar ka party ka dei tang ka Uniphom”.

Na ka liang jong ka seng ka don ka jingkyrmen ba ha kane ka election 2013 kan long kaba khuid kaba suba khnang ban ioh ia ka synhar khaddar kaba khlain bad shong suk shongsain bad ban kiew ha ka roi ka par ha ka jylla badroh kawei.

Na ka liang jong ka seng ka sngew ba lada ngi kwah ba ka jylla kan roi don kam ban pynroi shuwa ia ka jingmud jingpyrkhat jong ki briew bad haba la roi ka jingmud jingpyrkhat jong ki briew ka jylla ka roi hi. Ka seng HANM ka ong ba “ ngim dei ban shah long mraw ha ka pisa ha kane ka election 2013.(SP News)

What Next?

Related Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet