Weng jingiakhih shah thngan ki nongtrei ka MCCL ha dien ba ia kynduh ia u Conrad

Shillong, Nohprah 10: Ha dien ka jingiakhih shah thngan kaba lai sngi lynter mynta ka sngi u myntri rangbah ka jylla u Conrad K Sangma u la khot ia ka jingiakren ia ki nongtrei ka Mawmluh Cherra Cement Limited ha ka jingiadon lang u shongknor ka kompeni u bah Wailadmiki Shylla.

Haba kren ha ki lat pathai khubor ha dien ka jingiakren bad u myntri rangbah ka jylla u president ka seng MCCEU u bah Shanlang Diengdoh u la ong ba ka jingiakren bad u myntri rangbah ka long kaba seisoh bad ki pdiang ia ka jingtyrwa jong u myntri rangbah ba ka sorkar kan pynlait pisa mynta u bnai Nohprah.

Ka jingiakren halor kane ka jingeh ka jong ki kan bteng biang bad ka sorkar ha u Kyllalyngkot jong u snem 2021, lada kata ka jingiakren kam long kaba biang kin sa ia shong ban ia mir jingmut biang kumno ban leh sha khmat. Ia mynta kila rai ban wengnoh shuwa ia kane ka jingiakhih shah thngan.

Haba ia dei bad ka jingthmu ka sorkar ban ia treilang bad ki kompnei ban pyniaid ia kane ka karkhana dewbilat, la ong ba na ka liang jong ki nongtrei kim don kano kano ka jingong lada ka sorkar ka lah ban iada ia ki nongtrei kiba don ha kane ka MCCL, ka jingkwah  jong ki ka long ba ka karkhana kan iaid bad kin ioh ia ka tulop jong ki.

La iathuh ba ki nongtrei hapoh jong kane ka MCCL ki don kumba 300 ngut ei ei bad kiba trei sngi ki long kumba 150 ngut ei ei, kane ka jingkhein ka long antad lah ban tam ne duna ruh, kaei kaba ki kwah ba sorkar ka dei ban pyntrei kam ia kane ka karkhana ba kin ioh ia ka tulop man u bnai.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet